Asuntu : MINISTRU MAPPF MÓS KONTINUA PARTISIPA ENKONTRU AMAF PLUS THREE IHA MANILA Filipina, Ministru Agrikultura Pekuária Peska no Floresta Marcos “MAMETA” Da Cruz kontinua partisipa iha enkontru ASEAN Minister on Agrikulture and Forestry (AMAF-sigla Inglés) Plus three mak hanesan nasaun Japaun, Xina no Korea so Sul ne’ebé mak aprenzenta relatoriu ba konstribuisaun ba ASEAN no Timor-leste. Enkontru ne’e realiza iha loron 2 Outobru 2025 iha Hotel Condrad Manila. Ministru esplika, enkontru AMAF plus three ne’e katak enkontru Ministru ASEAN sira nian husi nasaun tolu hanesan; Japaun, Korea do Sul ho Xina ne’eduni iha enkontru ne’e Timor mós haree katak husi Nasaun tolu ne’e fahe relatoriu konaba sira-nia kontribuisaun ba ASEAN no mós sira nia servisu hamutuk durante ne’e maske Timor-Leste hanesan nasaun observadór, Ministériu Agrikultura mós hato’o gratidaun ba Nasaun tolu ne’e tanba sira mós apoiu Ministériu komesa kedas husi inisíu independénsia, Nasaun Xina iha dezenvolvimentu Agrikultura, Korea apoiu iha dezenvolvimentu setór Akuikultura iha parte Sentru Formasaun INPA Maubara no mos Japaun apoiu parte Infraestrutura hanesan Irrigasaun sira nomós asistensia tékniku. Tanba ne’e governu hato’o apresiasaun no gratidaun ba Nasaun tolu ne’e nia apoiu ba Timor-leste. “Partikularmente ha’u mós koalia ho Ministru Agrikultura Jepaun nian, ha’u koalia ho Ministru Jepaun nian mak hato’o agradese ba govrenu Jepaun nia apoiu durante ne’e hodi hari’I infraestrutura bazíku (irrigasaun) importante tolu hanesan Maliana I, Bluto Laclo, no agora dadauk jepaun nafatin apoiu iha area Floresta hanesan jestaun Basias Hidrografika la’o hela, no iha parte kafe nian mak CALIP ne’e nia fundus mai husi Jepaun.”tenik Ministru Ministru akresenta, Ministru Agrikultura Japaun mós konvida Ministériu partisipa Expo Ortikultura nian iha tinan 2027, nomos koalia konaba relasaun bilateralmente konaba saida mak durante ne’e Ministériu halo no saida mak Timor-leste sei halo tan iha futuru mai. Alende ne’e Ministru mós enkontru Bilatral ho Ministru Agrikultura Filipina tanba tuir planu iha tempu badak Governu Timor-leste liu husi MAPPF sei asina akordu hodi bele servisu hamutuk iha parte Pekuária liu-liu ba produsaun karau susu-been hodi diversifika ba ai-han seluk tanba Ministérius mós estebelese ona Sentru Karau Timor susu-been iha Timor-leste. Enkontru AMAF PLUS THREE ne’e mós partisipa husi membru ASEAN permante sira.Ekipa DMEA
Data Publica : 07 Oct 2025
Descrisaun :
