Filipina, iha loron 3 Outobru tinan ne’e Governu liu husi Ministru Agrikultura Pekuária Peska no Floresta asina Nota Intendimentu (MoU) ho Diretóra Ezekutiva PEMSEA konaba projetu Redusaun ba Poluisaun Plastíku ne’é mak sei implementa iha Timor liu-liu ba Munisipíu tolu hanesan; Dili parte Atauro, Likisa no Manatuto.

Ministru MAPPF Marcos “ MAMETA” Da Cruz Esplika, Projeitu ne’e sei ajuda Timor hodi konsensializa Timor-oan sira oínsa bele bele jere plastíku atu labele fo poluisaun ba ita-nia rai liu-liu ba tasi Timor. Nune’e ba oin bele kria ambiente ne’ebé mos diak ba tasi Timor. Tanba ita hatene katak tasi ne’e sai hanesan fonte rendimentu ekonomia ida ne’ebe hanesan fatin ema hotu bele hetan ikan no fatin ba ikan atu bele moris tanba ne’e ita presiza kuida ne’eduni ho projeitu ne’e sei bele ajuda komunidade sira reduz plastiku iha rai-laran.

Ministru Hatutan, Projeitu ida ne’e sei lori benefisiu diak ba rai Timor, tanba ita hatene katak povu barak mak sei uza plastíku no dala barak ema soe plastíku arbiru de’it, wainhira udan monu rai plastíku sira iha mota sei tun hotu ba tasi hodi halo tasi sai foer no nia kualidade tun buat sira ne’e hotu sei afeta ba ita nia Biodiversidade liu-liu ba ikan no animál moris sira seluk iha tasi laran. “ presiza buka meius oínsa mak bele rezolve kestaun ne’e ne’eduni it abele hetan projetu husi PEMSEA iha modelu dejestaun ba redusaun poluisaun plastiku. Sira halo ona projeitu ne’e iha fatin barak iha Filipina. Tenik Ministru

Iha asina MoU ne’e PEMSEA sira halo prezentasaun konaba ba modelu oinsa jere no kria jestaun ne’ebé diak tanba konsultan balun husi PEMSEA sei mai iha Timor hodi identfika katak modelu saida mak bele aplika iha Munisípiu haat refere.Ekipa DMEA