Lautem, Ministériu Agrikultura Pekuária Peska no Floresta (MAPPF) liu husi Diresaun Nasionál Irrigasaun Gestão e Utilizasaun de Agua (DNIGUA) Observa Direta eskema Irrigasaun Laivai ne’ebé konstrui husi kompaiñia CICO atinje ona 95% porsentu no tempu badak Ministériu sei inagura.

Iha entrevista Diretór Nasionál Irrigasaun Gestão e Utilizasaun de Agua, Jacinto Vicente Filipe Gama esplika objetivu husi atividade ne’e hamutuk ho konsultan, kontratór no komunidade sira loke bee hodi haree bee lao tuir dezeñu ne’ebé mak iha ka lae? maibe bee ne’ebé mak ohin loke ne’e tempu bai-loron mak nia volume maka’as tebes hanesan ne’e atu hatudu katak eskema irrigasau Laivai 100% bele ona halo natar dala rua kada tinan.

Diretór akresenta, Eskema irrigasaun Laivai ne’e asina kontrtau iha Novembru 2022 ho nia orsamentu montante $. 7.5 milloes, tuir lolos finaliza ona iha tinan kotuk maibe atu informa de’it katak eskema Irrigasaun ne’e halo estudu iha tinan 2015 no halo kontrusaun ne’e iha tinan 2022 tanba kontrusaun relasaun ho mota ne’eduni automatikamente iha mudansa tanba ne’e kontrusaun refere seidauk finaliza.

Iha fatin hanesan konsultan irrigasaun Laivai Lautem Yohanes Li Wawo hateten servisu konsultan mak halo kontrola ba kualidade konstrusaun, tempu servisu no kustu orsamentu, dadaun ne’e konstrusaun atinje ona 95%, hela dalan asesu ba irrigasaun refere mak seidauk finaliza maibé konsultan no tratór sira sei esforsu hodi finaliza hotu servisu sira ne’ebe mak iha.

Nune’e mós komunidade Laivai, Domingos da Costa Dias,sente kontete no agradese ba governu tanba durante tinan ruanulu resin bee la iha hodi halo natar maibe agora bee iha ona sira bele halo fali natar.

“Ami orgullu tebes tanba durante ne’e abandona de’it ami nia rai sira ne’e, maibe agora ami hare ona ho matan be’e bo’ot no diak tebes, maske oras ne’e dadauk bailoro maibe liu husi Irrigasaun ne’ebe mak hari’I it abele dehan katak be’e sufisiente ba ami, sa tan iha tempu udan monu rai entaun be’e diak liu tan.” Tenik Domingos

Nia dehan Irrigasaun ne’ebé mak konstrui ne’e kualideda diak tebes, maibe sira nia rai abandona ona tempu naruk, entaun halo ai- laran boot no ai-hun sira mesak bobot de’it ona, entaun sira mós ba Governu atu apoiu sira hodi hamo’os ka koa ai ne’ebé mak boot iha sira nia rai, atu nune’e sira bele reativa fali natar. Ekipa DMEA