Funsionáriu Autoridade Protesaun Sivíl 20 resin partisipa iha workshop kona-ba “Understanding the Aadmer and Aha Center” durante loron 3 hahú hosi 07 to’o 09 Outubro 2025 iha salaun Elisabeth Room, City 8, Manleu.

Workshop ofisialmente loke hosi Sua Exelénsia Vise Ministra Negósiu Estranjeirus no Koperasaun, Milena Maria da Costa Rangel akompaña hosi Sekretáriu Estadu Protesaun Sivil Domingos Mariano Reis, Embaixadór Japaun iha Timor-Leste, KIMURA Tetsuya, Reprezentante Embaixadór Indonésia iha Timor-Leste, Prezidente APC Jesuíno dos Reis Matos Carvalho no Komadante Operasional Protesaun Sivil Superientendente Assistente Polísia Nuno Romualdo Gomes.

Objetivu husi workshop ne’e atu aprofunda kooperasaun kona-ba ASEAN Agreement on Disaster Management and Emergency Response ( AADMER), Klassifikasaun Papél, Espésifiku sira no Regulamentu sira kona-ba ADDMER, fahe esperiensia husi inter-ajensia sira, haburas kolaborasaun no ikus liu atu dezenvolve asaun ida liu husi polítika nasinal no kapasitasaun enkudramentu legais AADMER nian.

Sua exélensia SEPS Domingos Mariano Reis hateten, workshop ida ne’e hanesan faz parte ba iha Timor-Leste atu adera a’an ba iha ASEAN oinsá atu hasa’e kuñesimentu ba ofisias no kargu xefias liu-liu kontribuisaun Timor-Leste nian ba iha AHA CENTER. Ita hotu hatene mudansa klimátika sai kauza bo’ot ba afeta vida umanu no rikusoin sidadaun sira nian ida ne’e hanesan parte ida Timor-Leste nian ba iha ASEAN.Alende ne’e mos apoiu umanitariu Timor-Leste prontu priense ona rekézitu tuir roteiru ne’ebé mak iha.

Entretantu iha sorin seluk Vise Ministra MNEC Milena Maria da Costa Rangel salienta workshop ida ne’e mos atu aumenta kuñesimentu ba iha ofisiais sira ne’ebé mak mai husi ajensia ho liña ministerias ne’ebé mak sai implementador ba akordu importante hanesan, ASEAN nia ba iha asuntu dezastre no zona livre husi area nuklear nian oinsá mos ba ajensia implementador ba resposta no dezastre rasik naran AHA CENTER.

“Akordu sira ne’e ita nia prosesu doméstiku remata ona husi parte governu iha parlamentu nasional ratifika hein asina ba faze final no responde tan ba iha rekézitu sira ne’ebé mak estimuladu iha roteiru ne’e hanesan responsabilidade husi Timor-Leste atu finaliza kompromisiu nomos asegura ofisiais sira iha kuñesimentu natón ba iha implementasaun” dehan Milena Maria da Costa Rangel ” .

Workshop ne’e hetan apoiu máximu husi governu Japaun liu husi JICA no mos serbisu hamutuk ho governu Indonezia, BNPB no MNEC.

Partisipa iha workshop ne,e mai husi Kargu Diretor,Xefias Apc, Liña Ministerias no PNTL.

# MÉDIA APC

Fontes: https://www.facebook.com/share/p/1H99FG9NTE/