Dili, loron 8 fulan Outubro, 𝗦𝗲𝗸𝗿𝗲𝘁𝗮́𝗿𝗶𝗮 𝗘𝘀𝘁𝗮𝗱𝘂 𝗯𝗮 𝗙𝗼𝗿𝗺𝗮𝘀𝗮𝘂𝗻 𝗣𝗿𝗼𝗳𝗶𝘀𝘀𝗶𝗼𝗻𝗮́𝗹 𝗻𝗼 𝗘𝗺𝗽𝗿𝗲𝗴𝘂 – 𝗦𝗘𝗙𝗢𝗣𝗘, liu husi Diresaun Nasional Empregu Estranjeiru, lideradu husi Xefe Gabinete SEFOPE, Sr. Jacinto Ribeiro Dias, nebe’e representa sua esselensia sekretária Estadu SEFOPE, Diretora Geral Interina Sra. Clementina de Araujo Almeida, Sr. Roberto Martins, representa PLMSP, Diretora Diresaun Nasional Empregu Estranjeiru interina, Sra. Maria Angela do Carmo Pires Guterres, partisipa iha serimonia asina deklarsaun entre Governo, Familia no traballador Timor oan, iha PALM Spirngs.

Liafuan inportante husi Xefe Gabinete nebe’e husik hela ba traballador mak “imi nian oportunidade mak imi nian rezultadu, mai husi esforsu mak foin bele susesu”. Iha liamenon primeiru Xefe Gabinete hatete “liu husi SEFOPE deposita komfiansa ba heroi ekonomia Timor oan sira, imi hanesan ema traballador ne’e titlu ida, maibe imi hanesan heroi ekonomia ne’e titlu nasaun nian.

Iha serimonia nee Xefe Gabinete SEFOPE dehan ba kandidatu traballador “ Ba hanesan ema Timor, moris hanesan ema Timor, no fila fali mai hanesan ema Timor oan duni, no ba buka moris maibe ba keta buka moras, ba ho responsavelidade, ba nudar Timor oan, lao hanesan Timor oan, para depois fila mai hanesan Timor oan ida ne mak estadu hameno, estadu husu mak responsavelidade tamba imi nia ulun imi nia isin sira hafutar ho bandeira RDTL, hanesan politikamente atu dehan ita ba tamba atu hadia ita nian rain mak familia sira lubuk ida iha ne suporta no konkorda atu imi ba, pelumenus sai pionerus diak ba ekonomia ba imi nian uma laran, no imi ba tamba ita nian situasaun laos tamba ita nian kondisoens , (dehan xefe gabinete).

Xefe Gabinete SEFOPE Sr. Jacinto Ribeiro Dias, enkoraja ba foinsa’e nain 111 ne’ebé hetán oportunidade atu ba servisu iha Australia, hatudu komportamentu ne’ebé maka di’ak, no mos afirma ba servisu iha Australia atu manan osan no hetan esperiensia foun husi ema nia rain, hodi nune’e fila mai bele diversifika ekonomia família no hasa’e kresimentu ekonomia nasaun Timor-Leste ni’an, liu-husi loke empreza kiik sira.

Depois de Breves palavras husi Xefe Gabinete, Diretora Geral Interina hato’o relatorio badak ba Xefe Gabinete no, iha relatorio badak ne Diretora Geral Interina halo’o resumu relasiona ho akatividades loron ohin nian, ne’e duni total husi traballador nebe assina hamutuk nain 111, kompostu husi mane nain 80 feto nain 31, husi total traballador nain 111 sei ba servisu iha kompania 9 mak hanesan ; 𝘔𝘈𝘋𝘌𝘊 𝘊𝘖𝘚𝘛𝘈, 𝘊𝘖𝘕𝘕𝘌𝘊𝘛 𝘎𝘙𝘖𝘜𝘗, 𝘚𝘜𝘕𝘋𝘙𝘖𝘗 𝘊𝘌𝘎, 𝘔𝘜𝘙𝘙𝘈𝘒𝘌𝘐 𝘍𝘈𝘙𝘔, 𝘊𝘈𝘉𝘓𝘌 𝘉𝘌𝘈𝘊𝘏, 𝘉𝘏𝘛 𝘉𝘜𝘕𝘋𝘠, 𝘗𝘐𝘕𝘈𝘛𝘈 𝘍𝘈𝘙𝘔, 𝘊𝘖𝘕𝘕𝘌𝘊𝘛 𝘎𝘙𝘖𝘜𝘗, 𝘕𝘖 𝘍𝘗𝘎 𝘍𝘙𝘜𝘛𝘐𝘊𝘖.