Lautem, 08 Outubro 2025, Relasiona ho akontesimentu ne'ebé mensiona iha leten, Autoridade Protesaun Sivíl (APC) Munisípiu Lautém, simu informasaun husi Xefe Suku Daudere, Agito Boavida, nune’e APC liu-husi xefe ekipa APC Mateus da Costa, halo intervensaun hodi halo assesmentu nomós apoiu pakote emerjénsia hanesan ahi-han no la'os ahi-han ba família vítima afetada inséndiu ne'e. Entretantu, liu-husi observasaun ba impaktu inséndiu ne'ebé APC Munisipiu Lautém akompaña husi xefe suku Daudere Agito Boavida hala'o katak, haree ba nível estragus uma vítima, pertênse kategória aat-totál, tamba uma ahi-han motuk inklui sasán uma-laran la-konsege salva. Enkuantu inséndiu ne'e la-rezúlta ema ruma kanek ou lakon vida iha akontesimentu ne'e.

Inséndiu ne'e akontese iha loron kuarta-feira (7-10-2025) kalan oras 21:20 OTL. Vítima dezastre inséndiu ho naran kompletu Arnaldo dos Santos, husi aldeia Aelafa, suku Daudere, Postu Administrativu Lautém, Munisípiu Lautém. Entretantu, koná-bá mótivu husi akontesimentu inséndiu ne'e bazeia ba informasaun ne'ebé APC asesu husi uma-nain katak nia kauza la klaru, tanba mosu derrepente de'it.

Ildefonso Soares, Média APC Lautém.

Fontes: https://www.facebook.com/share/p/1DS9HPtdL4/