Dili, loron 9 fulan Outubro, 𝗦𝗲𝗸𝗿𝗲𝘁𝗮́𝗿𝗶𝗮 𝗘𝘀𝘁𝗮𝗱𝘂 𝗯𝗮 𝗙𝗼𝗿𝗺𝗮𝘀𝗮𝘂𝗻 𝗣𝗿𝗼𝗳𝗶𝘀𝘀𝗶𝗼𝗻𝗮́𝗹 𝗻𝗼 𝗘𝗺𝗽𝗿𝗲𝗴𝘂 – 𝗦𝗘𝗙𝗢𝗣𝗘, lideradu husi Sua Exelensia Rogério Araújo Mendonça, L.Ed. akompania husi Diretor Diresaun Nasional Empregu Estranjeiru, Sr. João Correia Pereira, Xefe Departementu Reintegrasaun Sra. Maria Angela do Carmo Pires Guterres, no Xefe Departementu ba Protokolu, Sra. Joaninha dos Santos Guterres, iha salaun Delta Nova.

Iha mensajen nee, Sua Exelensia Rogério Araújo Mendonça hatete,serimonia despedida nee sempre akontese bainhira iha traballador sira atu ba servisu iha nasaun Koreia, Australia, no Japaun. Husi objektivu serimonia ne’e atu kesi kontratu entre parte Governo, parte traballdor no parte familia no husi parte 3 ne’e hetan aseitasaun katak konkorda ba servisu ho tempo naruk.

Sekretáriu Estadu husu ba traballadór foun sira atu foti exemplu tuir traballadór tuan sira, hodi halo adaptasaun ba ema nia ambiente iha ema nian rain, "Ha'u husu ba traballadór foun sira ba servisu tenke halo adapta ho patraun sira, atu servisu tuir oras disiplina iha servisu fatin no hatudu prestasaun servisu ne'ebé di'ak, atu nune'e fila-fali mai Empregadór bele bolu fali imi, no ida ne'e ba traballadór tuan sira laos buat foun," dehan Sekretáriu Estadu.

Aleimde husi ne’e mos Sekretáriu Estadu enkoraja ba traballador sira atu la bele hanoin halai husi Sistema ou ses husi Sistema, ne’e duni Sekretáriu Estadu husu ba trabalaldor foun sira atu labele sai husi Sistema tamba sei iha oportunidade barak tuir mai.

Sekretáriu Estadu husu ba familia liu-liu (inan aman) sira atu nafatin iha suporta, Sekretáriu Estadu mós husu ba traballadór sira ba servisu fila mai labele hanesan nafatin ida agora sei iha Timor ne'e, presiza halo investimentu ruma ba negosiu, atu nune'e osan ne'ebé sira hetan bele sirkula iha rai laran no bele mós emprega fali jovem sira seluk ne'ebé mak dezempregu, nune'e sira bele ajuda governu atu reduz numeru dezempregu.

Depois de hato’o mensajem husi Sua Exelensia Sekretáriu Estadu, Diretor Diresaun Nasional Empregu Estranjeiru hato’o apresentasaun relatorio ba loron ohin nian, ho nune’e husi total traballador nebe’e despedida hamutuk nain 𝟣𝟣𝟧, 𝘑𝘦𝘳𝘢𝘭 𝘩𝘢𝘮𝘶𝘵𝘶𝘬 𝘯𝘢𝘪𝘯 𝟫𝟪 𝘬𝘰𝘮𝘱𝘰𝘴𝘵𝘶 𝘩𝘶𝘴𝘪 𝘮𝘢𝘯𝘦 𝘯𝘢𝘪𝘯 𝟪𝟫, 𝘧𝘦𝘵𝘰 𝘯𝘢𝘪𝘯 𝟫, ( 𝘱𝘦𝘴𝘬𝘢𝘴 𝘵𝘰𝘵𝘢𝘭 𝘮𝘢𝘪𝘰𝘳𝘪𝘢 𝘮𝘢𝘯𝘦 𝘯𝘢𝘪𝘯 𝟨𝟩, 𝘧𝘢𝘣𝘳𝘪𝘬𝘢 𝟤𝟦, 𝘬𝘰𝘮𝘱𝘰𝘴𝘵𝘶 𝘩𝘶𝘴𝘪 𝘮𝘢𝘯𝘦 𝟤𝟢, 𝘧𝘦𝘵𝘰 𝟦, 𝘈𝘨𝘳𝘪𝘬𝘶𝘭𝘵𝘶𝘳𝘢 𝘩𝘢𝘮𝘶𝘵𝘶𝘬 𝘯𝘢𝘪𝘯 𝟩, 𝘬𝘰𝘮𝘱𝘰𝘴𝘵𝘶 𝘩𝘶𝘴𝘪 𝘮𝘢𝘯𝘦 𝟤, 𝘧𝘦𝘵𝘰 𝘯𝘢𝘪𝘯 𝟧, 𝘯𝘰 𝘙𝘦𝘦𝘯𝘵𝘳𝘺 𝘩𝘢𝘮𝘶𝘵𝘶𝘬 𝘯𝘢𝘪𝘯 𝟣𝟩 𝘮𝘢𝘪𝘰𝘳𝘪𝘢 𝘮𝘢𝘯𝘦, 𝘱𝘦𝘴𝘬𝘢𝘴 𝘯𝘢𝘪𝘯 𝟣𝟢, 𝘮𝘢𝘪𝘰𝘳𝘪𝘢 𝘮𝘢𝘯𝘦, 𝘯𝘰 𝘧𝘢𝘣𝘳𝘪𝘬𝘢 𝟩 𝘮𝘢𝘪𝘰𝘳𝘪𝘢 𝘮𝘢𝘯𝘦.