Dili, 09 Outubru 2025

Ministru Transportes no Komunikasaun, Eng.Miguel Marques Gonçalves Manetelu kinta ohin, realiza enkontru ho empreza Waskita Karya, Supervizaun Konsultór, IPMU ANATL no PMC.

Iha enkontru ne’e kontrator husi PT.Waskita Karya" halo aprezentasaun " dezeñu báziku Kona-bá progresu dezenvolvimentu no expansaun projetu Aeroportu Internasionál Prezidente Nicolau Lobato Comoro Dili.

Dezenvolvimentu Dezeñu Detallu Bazeia bá Levantamentu Rai no Investigasaun Rai nian ne'ebé kompleta ona iha fulan Juñu, Jullu & Agostu 2025, tuir mai ne'e bele ezekuta :

a) Validasaun bá Asumsaun Dezeñu Inisiál sira : Asumsaun dezeñu sira konfirma liu husi atualizadu levantamentu & estudu investigasaun rai no dadus adisionál ne’ebé hetan liu husi korespondénsia.

b) Integrasaun husi Dadus Ikus liu/Atualizadu iha Dezeñu Detallu : Inkorpora atualizadu/ikus liu levantamentu topográfiku, batimétriku no estudu investigativu sira (dadus investigasaun jeotékniku, dadus tráfiku, nsst.) iha dezeñu no planeamentu konstrusaun nian.

c) Optimizasaun : Optimizasaun bá estrutura Pavimentu nian iha ne'ebé de'it aplikavel no permitidu hosi Aneksu ICAO 14 & FAA.

Dezeña No Konstrui Projetu Ho Pakote Ida Inklui Estensaun Bá Pista Ne'ebé Eziste To'o Metru 2.100 Inklui Husi A Área Seguransa Minímu iha Rohan Pista nian (RESA) ho Metru 90 Kada Sorin No Konstrusaun Taxiway, Torre Kontrolu Tráfiku Aéreu.

𝐌é𝐝𝐢𝐚 𝐌𝐓𝐊