Dili, 9 Outubru 2025

Ministru Transporte no Komunikasaun, Eng.Miguel Marques Gonçalves Manetelu kinta ohin lidera enkontru ho Diretór Jerál Transporte no Komunikasaun, Diretór Jerál Administrasuan no Finansas, Xefe Gabinete Politika, Ponamementu no Kooperasaun, Kargu Diretór Nasionais no Xefe Departamentu sira iha administrasaun direta Ministériu nia iha sala enkontru Gabinete Ministru Kaikoli Dili.

Iha enkontru ne’e Ministru Manetelu akompaña husi Asesór Nasionál sira, objetivu husi Enkontru ne’e atu halo Avaliasaun bá Ezekusaun Orsamentu 2025 Ministériu nia.

Ministru Manetelu subliña importánsia husi disiplina orsamentál no transparénsia iha implementasaun programa prioridade ministériu nian. Avaliasaun ne'e hala'o atu haree fila-fali realizasaun orsamentu to'o trimestre datoluk tinan 2025, hodi identifika obstákulu sira ne'ebé hasoru iha departamentu ida-idak no formula medida koretiva sira hodi asegura utilizasaun efisiente bá fundu públiku sira.

𝐌é𝐝𝐢𝐚 𝐌𝐓𝐊