Dili, 10 Outubru 2025

Ministru Transportes no Komunikasaun, Eng.Miguel Marques Gonçalves Manetelu realiza enkontru ho Prezidente K.A ANATL-EP Romualdo António Soares iha sala enkontru Gabinete Ministru Kaikoli Dili.

Iha enkontru ne’e Prezidente K.A ANATL-EP, Romualdo António Soares akompaña husi Diretora Unidade Estudu Planeamentu Infra-estrutura (UEPI), Eng.Antónia T. Corte-Real de Oliveira.

Objetivu husi enkontru ne'e Prezidente ANATL-EP atualiza progresu servisu implementasaun projetu iha AIPNL, liu-liu kona-bá servisu rehabilitasaun terminál existenti Aeroportu Internasionál Prezidente Nicolau Lobato nomos atualiza partisipasaun ANATL nia iha Feira Inovasaun ICAO 2025 ne'ebé konvoka husi Organizasaun Internasionál Aviasaun Sivíl (ICAO) husi loron 21-22 Setembru 2025.

Tema husi Feira Inovasaun ICAO nian iha tinan 2025 mak "Global Horizons : Inkluziva Inovasaun bá Aviasaun." Feira ne'e fó dalan bá reprezentante sira husi Estadu, organizasaun internasionál sira, indústria, setór privadu, akadémiku, organizasaun sosiedade sivíl sira, Nasaun Unidas no organizasaun naun-governamentál sira (NGO) atu halo diskusaun substantivu kona-bá inovasaun iha aviasaun no oinsá kontribui hodi alkansa Objetivu sira husi Dezenvolvimentu Sustentavel Nasoins Unidas nian no hanesan ne'e, hadi'a sosiedade iha jerál.

Prezidente ANATL mós sei halo relatóriu servisu bá ligadu ho partisipasaun ANATL nia iha Feira Inovasaun ICAO nian iha tinan 2025 bá Ministru Manetelu iha tempu badak.

𝐌é𝐝𝐢𝐚 𝐌𝐓𝐊