Ministériu Solidariedade Sosiál no Inkluzaun (MSSI), liuhusi Sentru Solidariedade Sosiál no Inkluzaun Munisípiu Dili (SSSIMD), hala’o formasaun kona-ba Lei Protesaun ba Labarik no Joven iha Perigu (LPLJP), ba Autoridade Komunitária, Ofisiál Polísia Suku (OPS), Ofisiál Asuntu Sosiál Suku, Xefe Aldeias inklui Delegadus, iha Postu Administrativu Metinaro, Munisípiu Dili.

Formasaun ne’e realiza iha Sede Postu Administrativu Metinaro, Munisípiu Dili, Segunda-feira (13/10/2025).

Objetivu husi formasaun ne’e, atu hasa’e koñesimentu Lideransa Komunitária kona-ba LPLJP, tanba labarik iha direitu ba protesaun espesiál husi parte família, husi komunidade no Estadu, liuliu hasoru formas diskriminasaun, violénsia, opresaun, abuzu seksuál ho esplorasaun.

Labarik sira goza direitus tomak ne’ebé rekoñese universalmente, no mós direitus ne’ebé konsagra iha Konvensoens Internasionais, ne’ebé Estadu ratifika ka aprova regularmente. Labarik sira hotu, ne’ebé moris husi matrimóniu ka lae, goza direitus no hetan protesaun sosiál ne’ebé hanesan ho sira-seluk.

Aleinde formasaun, SSSIMD mós realiza enkontru hamutuk ho Ekipa Nasionál Planu no Orsamentu, hodi diskute kle'an liután kona-ba lala'ok preparasaun Relatóriu iha Kuatru Trimestre tinan 2025.

Mídia MSSI

Ministériu Solidariedade Sosiál no Inkluzaun (MSSI), liuhusi Sentru Solidariedade Sosiál no Inkluzaun Munisípiu Dili (SSSIMD), hala’o formasaun kona-ba Lei Protesaun ba Labarik no Joven iha Perigu (LPLJP), ba Autoridade Komunitária, Ofisiál Polísia Suku (OPS), Ofisiál Asuntu Sosiál Suku, Xefe Aldeias inklui Delegadus, iha Postu Administrativu Metinaro, Munisípiu Dili.

Formasaun ne’e realiza iha Sede Postu Administrativu Metinaro, Munisípiu Dili, Segunda-feira (13/10/2025).

Objetivu husi formasaun ne’e, atu hasa’e koñesimentu Lideransa Komunitária kona-ba LPLJP, tanba labarik iha direitu ba protesaun espesiál husi parte família, husi komunidade no Estadu, liuliu hasoru formas diskriminasaun, violénsia, opresaun, abuzu seksuál ho esplorasaun.

Labarik sira goza direitus tomak ne’ebé rekoñese universalmente, no mós direitus ne’ebé konsagra iha Konvensoens Internasionais, ne’ebé Estadu ratifika ka aprova regularmente. Labarik sira hotu, ne’ebé moris husi matrimóniu ka lae, goza direitus no hetan protesaun sosiál ne’ebé hanesan ho sira-seluk.

Aleinde formasaun, SSSIMD mós realiza enkontru hamutuk ho Ekipa Nasionál Planu no Orsamentu, hodi diskute kle'an liután kona-ba lala'ok preparasaun Relatóriu iha Kuatru Trimestre tinan 2025.

Mídia MSSI