Vise-Ministra Solidariedade Sosiál no Inkluzaun, Céu Brites abertura Enkontru Trimestral Membru ADTL ba dala-26 ho Tema "Hametin ADTL iha Misaun liu-husi Haforsa Lian Ema ho Defisiénsia iha Timor-Leste" no Lansamentu ba Website ADTL, iha Suai Room, Timor Plaza, Dili, Timor-Leste, Segunda-feira (13/10/2025).

Iha abertura ne Vise-Ministra hatete, Parabéns ba esforsu sira ne'e, Ida ne'e pasu importante iha advokasia sira, hodi asegura katak, informasaun sira kona-ba saida mak ADTL ho nia membru halo ona, sei publika liuhusi website ne'e.

Informasaun sira ne'e sei importante tebes ba parte hotu-hotu ne'ebe hakarak hatene konaba ADTL nia atividade no nia membru sira, no lokalizasaun hosi ADTL nia membru sira. Informasaun sira ne'e mós sei importante tebes ba Governu, hodi asesu liuliu konaba membru ADTL sira ne'ebe maka benefisia mós husi apoiu fundu transferensia hodi MSSI nudar Instituisaun Solidariedade Sosiál (ISS).

Ikus liu hau nia dejeju ba bom enkontru ba trimestral ba dala-26, espera resultadu hosi enkontru sira hanesan ne'e, bele tulun ADTL ho Membru sira atu hare ba tarefa servisu sira iha Nasional no Munisipal, liuliu área kobertura ba progarama sira."

Partisipa iha atividade ne’e reprenzenta Embaixadora Austrália iha Timor-Leste Felicity Errington no reprezenta Secoms, inklui mós reprezentante organizasaun defisénsia sira, no media sira.

Mídia MSSI