Primeiru-Ministru Kay Rala Xanana Gusmão hala’o viajen ba munisípiu Vikeke no Baucau iha fin-de-semana iha loron 4 no loron 5 fulan-outubru, hodi lansa projetu konstrusaun estrada no ponte ida iha Vikeke no inaugura kapela ida iha Baguia ha Vikeke.

Primeiru Ministru akompaña husi Ministru Obras Públikas, Samuel Marçal, Xefe Governu halo lansamentu ba projetu reabilitasaun estrada ne’ebé liga suku Luca (Postu Administrativu Vikeke) ba suku Dilor (Postu Administrativu Lakluta), ho distánsia maizumenus kilómetru 14, no tau fatuk dahuluk ba konstrusaun ponte iha mota Welolo, suku Luca. Kontratu ba obra sira ne’e formaliza iha populasaun lokál nia-oin, ne’ebé halo parte iha prioridade Governu Konstitusionál IX nian atu hametin ligasaun rodoviária no garante liután viajen iha área rurál sira ho seguru, hodi hamenus izolamentu, liuliu iha tempu udan.

“Estrada ne'ebé ita hahú harii ohin la'ós prezente ida; ne'e hanesan governu nia devér atu kria kondisaun ne’ebé di’ak ba sirkulasaun transporte, asesu ba bee-moos no eletrisidade ba populasaun", Primeiru-Ministru afirma, hodi subliña importánsia hosi projetu sira "ne'ebé ezekuta ho di'ak no tuir ninia prazu”.

Link ba notisia kompleta iha Portal Governu:

https://timor-leste.gov.tl/?p=45544&n=1&lang=tp

***