Dilí, 10 de Outubro 2024 – Sua Exelénsia Ministra Edukasaun Dra. Dulce de Jesus Soares, hamutuk Dirijente Ministériu Edukasaun Ho Parseria Edukasaun Austrália iha Timor-Leste halo Refleksaun kona-ba Apredizajen no Tranzisaun.

Sua Exelénsia Ministra Edukasaun hateten ba Diretor munisipál no Dirijente sira katak liu husi ita boot sira nia Esfórsu tomak durante tinan barak nia laran ne’ebé mak hetan iha formasaun bele sai liña orientasaun ba ita atu kontinua iha futuru, importante liu ba ita hotu-hotu ne’ebé mai ho objetivu ida de’it, katak atu hasa’e kualidade Edukasaun iha Timor-Leste.

”Ha’u komprende katak ohin loron, ita boot sira serbisu boot los, atu halo refelxaun hodi haree ba serbisu ne’ebé mak ita halo hamutuk ona durante Tinan barak nia laran, liuhosi esperiénsia ne’ebé mak ita hetan husi aprendizajen iha tinan Ida ne’e, ha’u Fiar katak bele hetan rezultadu ne’ebé di’ak liu, bele sai liña orientasaun ba ita, atu ita kontinua iha Futuru mesmo iha ba parte governu nian kordena ho parte ne’ebé serbisu hamutuk ho parseiru sira, ida ne’e mak importante liu ba ita hotu-hotu ne’ebé mai ho objetivu ida de’it, katak atu hasa’e kualidade Edukasaun Iha ita nia Rai Doben Timor-Leste”. Dehan S. E. Ministra Edukasaun iha nia Deskursu.

Nune’e Diretór Jerál Edukasaun Pré-Eskolár, Ensinu Báziku No Ensinu Rekorrente Sr. Apolinário Serpa Rosa, Reflesaun ba ohin loron Ministériu Edukasaun hamutuk ho Parseria husi Guvernu Austrália atu Reflete kona-ba Serbisu ne’ebé mak Durante ne’e Apoio Ministériu Edukasaun, liu husi PHD Partnership Fór Human Development.

“Ohin Dia 10 de Outubru 2025, ita iha Workshop loron Tomak Entre Ministériu Edukasaun, PHD hamutuk ho Divad Austrálian. Enkontru ohin loron ne’e hanesan Enkontru Reflesaun ida hodi Reflete fila Fali durante Tinan (10), Guvernu Austrália Apoio, Ministériu Edukasaun liu husi PHD Partnership Fór Human Development, nune’e iha enkontru ohin loron ita koalia kona-ba Reflesaun molok tama tinan sanulu, apoiu aprendizajen durante ne’e no períodu Tranzisaun ne’ebé mak sei remata iha Tinan Ida ne’e Nia Laran” informa Ba Jornalista sira iha Intervista.

Entertantu Diretór Jerál Edukasaun Pré-Eskolár, Ensinu Báziku No Ensinu Rekorrente ne’e hatutan tan katak, Durante tinan (10) Governu Austrálian apoiu ba iha Ministériu Edukasaun, liuhosi PHD ne’e ko’alia kona-ba Programa ALMA, ne’ebé antigamente ho naran PLMP, iha tinan 2018 muda ba ALMA (Apoio Lideransa Mentorino Aprendizajen), Entantu Programa ne’e Kobre iha Munisipiu (14) ne’ebé PHD rasik tau-matan ba munisípiu (10) no iha projetu seluk ne’ebé mak tau-matan iha Munisípiu 4.

Rejultadu ne’ebé mak Guvernu Austrália apoiu ba ita, mak iha mudansa signifikativu lideransa eskola sira, ne’ebé mak hetan apoiu husi Lideransa mentor sira, mentor sira mós hetan ona formasaun husi INFORDEPE ho Parseria sira, kona-ba oinsá mak bele Jere Eskola ho Di’ak, nune’e Mentor sira fó formasaun ba Manorin sira iha eskola liuhosi Grupu Traballu Profesores, hodi Manorin sira bele utiliza Planu de Aula iha Prosesu Aprendizajen.

#jornalistaabel

#MédiaME