Press Release

𝗗Í𝗟𝗜, 𝗠𝗝— 𝗞𝗶𝗻𝘁𝗮-𝗳𝗲𝗶𝗿𝗮 𝟬𝟵 𝗢𝘂𝘁𝘂𝗯𝗿𝘂 𝟮𝟬𝟮𝟱, Sua-Eselénsia Ministru Justisa, Dr. Sérgio de Jesus Fernandes da Costa Hornai partisipa enkontru dahuluk diskute kona-ba oinsa lala’ok no fahe tarefa serbisu ba estabelesementu Gabinete Interministeriál Jestaun Krize, iha Faról-Dili.

Enkontru ne’e, lidera hosi Sua-Eselénsia Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Dato’ Seri Francisco Kalbuadi Lay, ne’ebé hetan delegasaun direta hosi Sua-Eselénsia Primeiru-Ministru, Kay Rala Xanana Gusmão.

Iha Sorumutu Konsellu Ministru sira iha loron 01 Outubru 2025 aprova Projetu Rezolusaun Governu ne’ebé aprezenta hosi Ministru Defeza, Donaciano do Rosário Gomes, ne’ebé kria Gabinete Interministeriál Jestaun Krize.

Iha enkontru dahuluk ne’e partisipa ka hola parte hosi Xefe Estadu Maior Jenerál FALINTIL-FDTL, Tenente Jenerál Domingos Raúl "Falur Rate Laek", Komandante Jerál PNTL, Komisáriu Jerál Henrique da Costa, Diretor Jerál Serbisu Nasionál Intelijensia (SNI), Longuinhos Monteiro, Diretor Polisia Sientifika Investigasaun Kriminál Timor-Leste (PCIC-TL), Vicente Fernandes e Brito, Ministru Interior, Francisco da Costa Guterres, Sekteraiu Estadu Komunikasaun Sosial, Expedito Dias Ximenes no Vise-Ministru ba Assuntu Parlamentar, Adérito Hugo da Costa.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Fontes: https://www.facebook.com/share/p/17K5yJtHgM/