Press Release

Dili, 09/10/2025, Sekretáriu Estadu komunikasaun Sosial (SEKOMS) Expedito Loro Dias Ximenes Halo enkontru regular ho jerente Média husi Media Estatal no Privadu sira, iha Palásiu Governu Dili.

Enkontru regulár ne’e realiza atu troka idea ba malu, diskusaun amizade no avaliasaun konaba publikasaun produtu Jornalismu iha media konvesional no plataforma dijital, oinsa politika servisu governu nia hodi tau matan ba media sira iha Timor-leste, kapasitasaun ba Jornalista sira, preparasaun selebrasaun 50 anos Balibo five no kobertura media nian konaba serimonia Timor-Leste nia adezaun plena ba ASEAN ne'ebe sei realiza iha Kuala lumpur Malázia, Fulan ne’e.

Iha ámbitu reuniaun, Diretor sira fo mos sira nia idea balun ba Governu liu liu konaba politika IX governu nia iha area formasaun ba jornalista sira, nune’e Sekretáriu Estadu Expedito Loro Dias Ximenes esplika, Governu aloka ona orsamentu ba tinan 2026 ba formasaun ho montante $ 200. 000.00 liu husi konselhu imprensa (KI).

Marka prezensa iha enkontru regular ne’e mai husi Diretor no Xefi redasaun sira husi Media Konvensional no plataforma dijital.

Fontes: https://www.facebook.com/share/p/179oMZhkyA/