Press Release

Plano de uso do solo (PUSO) sidade Maliana, importante mos, tanba nia objetivu

atu dezenvolve detallu liu tan área urbanu tuir modelu dezenvolvimentu territoriál

ne'ebé estabese ona iha PMOT Bobonaro nian.

Objetivus prinsipal husi PUSO Maliana nia mak:

1. Orienta Kreximentu cidade ho forma ordenado:

2. Hadia Kualidade Moris populasaun Nian:

3. Evita konflito de interese iha utilizasaun rai ou espaso (entre area

Industria ho Habitasaun);

4. Fasilita Dezenvolvimentu Ekonomico Urbanu: atu Fornese equipamentu,

infraestrutura, espasu konstruidu no enquadramentu juridiku hodi kria

ambiente negósiu ne'ebé favorável ba dezenvolvimentu ekonomia urbanu

(kria empregu no redusaun ba kustu de vida);

5. Prevene no reduz Impaktu Husi Dezastres Naturais no Proteje

Ambiente: katak garante uzu no okupasaun rai ne'ebé reduz efeitu husi risku

naturál, garante seguransa ba ema nomos sasán no proteje ambiente.

Liu husi diskursu Sua eselensia SEDL, hateten; lori Ministériu Administrasaun Estatál nia naran, hau hakarak fó hanoin hikas, katak, eventu ida ohin importante tebes ba Munisípiu Bobonaro, tanba atividade ne'e nu'udár konkretizasaun husi instrumentu legál no jestaun ne'ebé estadu ne'e iha ona.

Tuir Ita nia lei númeru 6/2017 ne'ebé hatuur baze ba ordenamentu teritorial nian, tuir mai ita, iha ona Planu Nasional Ordenamentu Teritoriu (PNOT) no Planu Munisípål Ordenamentu Teritoriu.

Atu operasionaliza PMOT nee, ita presiza defini didiak utilizasaun rai iha teritoriu munisipiu ida idak nian.

Lansamentu ohin ne'e mos hanesan komprimentu ida ba orientasaun hosi

enkuadramentu legál ne'ebé estabelese iha Dekretu Lei No. 35/2021, ne'ebé estabelese

fundasaun ba jestaun no utilizasaun rai ne'ebé efetivu iha área urbana sira iha ita-nia nasaun tomak. Liuhusi lei ida-ne'e mos mak, ita hetan kbiit atu proteje interese públiku, promove asesu justu ba rai, no prevene mal uzu ka alokasaun sala ba ita-nia rekursu folin-boot sira seluk.

Ho ida ne'e, mak Despaxu Konjuntu No. 04/MPIE-MAE/IX/2025 fo-sai, hanesan esforsu

kolaborativu ida entre Ministériu Planeamentu no Investimentu Estratéjiku no Ministériu Administrasaun Estatál, hodi reforsa liután ita hotu nia vizaun ba dezenvolvimentu urbanu ida ne'ebé responsåvel, transparente, no partisipativu.

Partisipa iha serimonia lansamentu ne’e, Diretor Jeral Ordenamento Teritorio, Diretor Jeral Obras Publika, Diretores Ezekutivu, diretores Nasionais, Diretor servisu Munisipais, Administrador Postu, Xefe Suku sira, no konvidados sira seluk.

Fontes: https://www.facebook.com/share/p/1QGYQUVwJf/