Press Release

Dili, 14 Outobru 2025 – Sua Exelénsia Sekretáriu Estadu Protesaun Sivil Domingos Mariano Reis akompaña husi Xefe Ezekutiva Timor Telekom Maria Rita Santos de Sampaio Nunes, Prezidente APC Interino Superientendente Asistente Polisia Nuno Romualdo Gomes atual Komadante Operasional halo atividade serimonia asinatura Nota Entendimentu (MoU) ba estabelesimentu Númeru Úniku Emerjénsia 115 entre SEPS ho Timor Telekom iha salaun Diresaun Nasional Seguransa Partimóniu Públiku (DNSPP) Matadoru.

Sua Exelénsia Sekretáriu Estadu Protesaun Sivil Domingos Mariano Reis hateten, asina akordu nota entendimentu entre TT ho APC ba estabelesimentu númeru úniku 115 atu responde nesesidade sidadaun timorense nian liu-liu ba situasaun dezastre hanesan inséndiu, be’e sae, tsunami no rai nakdoko ne’ebé sempre afeita ba situasaun dezastre no la iha kanál ida mak sidadaun sira atu husu apoiu emerjénsia ba APC bainhira hasoru dezastre nune’e mak SEPS realiza inisiativa ida ne’e hodi responde ba situasaun emerjénsia iha Timor-Leste.

“Lori IX Governu Konstituisional liu husi SEPS agradese profunda ba komitmentu ba kooperasaun no kontribuisaun Timor Telekom gratuita ba APC hodi estabelese númeru úniku ida ne’e apresiasaun estra-ordinariu hanesan kontribuisaun ida ba povu Timor-Leste” dehan SEPS.

Governante ne’e esplika ita sei anunsia liu husi kanál sira hanesan jornal, radiu, televizaun, media sosial hodi nune’e sidadaun Timorense hotu bele asesu informasaun iha tempu badak ba númeru úniku 115 hodi APC atende ba situasaun emerjénsia.

Partisipa iha serimonia asinatura MoU ne’e husi Diretor Sentru Formasaun Mariano Ana Lopes, Diretor DNPM Carlos da Costa, Diretora GIAI hanesan mós interina GREK Odete Calado, Asesor Nasional, Xefe Departamentu no Seksaun.

#MÉDIA APC

Fontes: https://www.facebook.com/share/p/1FbQfmCJjq/