Press Release

15 – Oktober - 2025

Atu kontinua proporsiona oportunidades ba realizasaun direitus maluk vulnerável sira-nia asesu ba subsídiu no asisténsia umanitária, maka Vise-Ministra Solidariedade Sosiál no Inkluzaun, Céu Brites, hala’o vizita domisiliáriu ba maluk vulnerável hanesan, Erois Vivus no Idozus Abandonadus, Ema ho Defisiénsia (EhD), hamutuk ema na’in 13 iha Postu Administrativu Matebian no Vemasse.

Objetivu prinsipál husi vizita ne’e mak, atu observa direta kondisaun reál Erois Vivus, Idozus Abandonadus no EhD sira. Nune’e ba futuru, Ministériu bele responde ho polítika no programa ne'ebé inkluzivu. Iha vizita ne’e, Vise-Ministra distribui mós ai-han ho nesesidade bázika ba Idozus, Erois Vivus no EhD.

Vizita refere hala’o iha, Postu Administrativu Matebian no Vemasse, Munisípiu Baucau, Tersa-Feira, (14/10/2025).

EhD ne’ebé hetan vizita hamutuk na’in lima (5) mak hanesan:

Mariano Ximenes

José Cabral

Adolfo Belo

Lourençio da Costa Cabral

Joana da Costa

Entretantu, Erois Vivus ne’ebé hetan vizita hamutuk na’in walu ( mak hanesan:

Maria Cabral

Tomás Sequira

Jacinta Tilman

Marçal Marques

Alda Viegas Soares

Celestina Belo

Olandina Belo

Paulo Gusmão Belo

Aleinde ne’e, Vise-Ministra ho ekipa hala’o vizita mós ba Instituisaun Solidariedade Sosiál (ISS) Putri Maria dan Yosef (PMY), ne’ebé lokaliza iha Buruma-Baucau, ho objetivu atu monitoriza servisu sosiál ne’ebé instituisaun refere fornese ba labarik sira ho defisiénsia auditiva (defisiénsia tilun). Misaun husi instituisaun refere mak, atu hasa’e dignidade no autonomia ba labarik defisiénsia sira, atu bele iha abilidade moris mesak, liuhusi abilidade komunikasaun formál no naun-formál, inklui orál no jestuál.

Mídia MSSI