Press Release

Dili-Tersa, 14/10/2025 - Sua Exelénsia Ministra Finansas Sra. Santina José Rodrigues F. Viegas Cardoso, Hala’o Enkontru ho Komisáriu Funsaun Públika Sr. José Telo Soares Cristovão, kona-ba Sistema Kareira Remunerasaun Administrasaun Públika.

Objetivu husi enkontru ne’e atu hetan komentariu no perspetiva husi S.E Ministra Finansas kona-ba prioridade sira ba reforma administrasaun públika nian.

Iha ámbitu enkontru ne’e rona aprezentasaun husi ekipa Badan Kepegawaian Negara (BKN) Indonesia, inisiativa dezenvolvimentu sistema kareira no análiza pagamentu ne’e hetan apoiu husi Department of Foreign Affairs and Trade (DFAT) nomós Politeknik Sekolah Tinggi Ilmu Administrasi - Lembaga Administrasi Negara (STIA-LAN) Jakarta.

Sorumutu ne’e akompaña direta husi Diretor Jerál Servisu Korporativus Sr. Epifanio A. Martins de Jesus Carvalho, Koordenadór Unidade Polítika Jestaun Fundu Petrolíferu Sr. Filipe Nery Bernardo, Diretor Nasionál Planeamentu Orsamentu Sr. Amilton Lemos, inklui partisipa maximu husi Komisária komisaun funsaun públiku Sra. Anita Tavares, no Sekretaria Exekutiva Sra. Maria da Costa Oliveira.

Sorumutu ne’e rasik hala’o iha sala gabinete Ministra Finansas Aitarak-laran.

#Foto: #Ekipa #Média #Ofisial #Ministériufinansas

FONTES: https://www.facebook.com/share/p/1QvuYfxuxv/