Press Release

Dili, 15 Outubru 2025

Diretór Jerál Transporte no Komunikasaun Constantino Ferreira dos Santos kuarta ohin lidere enkontru preparasaun lansamentu ATCS, Sonoru no Halte.

Sistema Kontrolu Tráfiku Área (ATCS) maka sistema ida ne'ebé uza atu regula tráfiku iha área espesífiku sira, hanesan sidade sira ka rejiaun metropolitanu sira, atu nune'e bele hadi'a efisiénsia no seguridade.

Funsaun husi sinorus fasilita ema lao ain inklui ema defisiensia matan, ain hodi atravesa Estrada, DNTT prepara braila ho gardin block.

Utilidadade prinsipál sinais sonorous iha semafro atu fasilita no aumenta seguransa no autonomia bá ema ho defisiensia matan no ain hodi ultrapassa.

Halte ne’ebé konstrui ne’e hodi fasilita komunidade ne’ebé movimentu ho transporte públiku iha kapitál Díli tenke hein, sa’e no tun iha halte ne’ebé prepara ona no sei la autoriza para fali iha fatin seluk nune’e labele hamosu engrafamentu.

Fasilidade Públiku sira hanesan, ATCS, Sinorus no Halte ne’ebé governu konstrui ho objetivu ida de’it atu fasilita no ajuda komunidade sira tur no hein transporte públiku sira nomos ajuda pasadeira sira hodi ultra passa bá iha estrada sorin, enkontru preparasaun ne’e hala’o iha sala enkontru DNMG.

Partisipa iha enkontru ne'e Diretór Jerál Administrasaun Finansas, Aniceto Leto Soro, Diretora Nasionál DNTT, Maria Antónia, Diretór Nasionál DNIK, Ambrosio Amaral, Diretór DNLAP, Nuno Alves da Costa nomos funsionáriu balu.

Tuir planu lansamentu ne’e sei sei hala’o iha Segunda loron 20 Outubru 2025 no sei lansa husi Primeiru-Ministru Kay Rala Xanana Gusmão iha DNTT Kaikoli Dili.

𝐌é𝐝𝐢𝐚𝐤 𝐌𝐓𝐊

https://sdi.gov.tl/pressrelease?page=2