Press Release

Dili, 16 Outubru 2025

Operadór Telekomunikasaun TELEMOR kinta ohin halo promosaun bá produtu TELEMOR nia bá funsionáriu Ministériu Transporte no Komunikasaun.

Promosaun bá produtu hirak ne’e mak hanesan ; Fahe sim card gratuita bá funsionáriu ministériu transporte no komunikasaun, faan simcard ho numeru espesiál no lucky spin program.

Diretór Jerál Administrasaun no Finansas Ministériu Transporte no Komunikasaun, Aniceto Leto Soro rekoñese prezensa telemor nia ajuda tebes komunidade sira ne’ebé hela iha area remotas tanba rede koneksaun telemor bele fasilita komunidade sira hodi halo ligasaun bainhira operadór telekomunikasaun sira seluk labele perkore área remotas sira, hanesan suku no aldeia ne’ebé dook husi kapitál nasaun nomos munisípiu sira.

Iha sorin seluk asesór Tékniku Ministru Manetelu, Fridolino Gama Soares hatete Hafoin tinan sanulu resin Telemor kontribui lori solusaun dijitál mai Timor-Leste, Telemor nia kompromisu atu fornese solusaun inovativu no servisu esepsaun bá nia kliente sira.

Telemor mós nu'udar operador rede dahuluk ne'ebé lori esperiénsia dijitál ne'ebé seidauk akontese antes ne'e bá utilizadór sira ho produtu sira hanesan loja filme webfilme-lokal- Cinema.tl, televizaun movel Timor-Leste, mosan e-wallet no aplikasaun super Kakoak.

Liuliu, realizasaun hirak-ne'e mós hetan rekoñesimentu hosi Estadu no Governu Timor-Leste.

𝐌é𝐝𝐢𝐚 𝐌𝐓𝐊

https://sdi.gov.tl/press_detalhe/539/show