16 – Oktober - 2025

Ministériu Solidariedade Sosiál no Inkluzaun (MSSI), hamutuk ho The Asia Foundation (TAF), realiza Formasaun ba dahaat kona-ba Padraun Prosedimentu Operasionál (PPO), Jestaun Kazu no Koordenasaun, hodi Suporta Vítima Violénsia Bazeia ba Jéneru (VBJ) iha Timor-Leste.

Formasaun ne’e nia objetivu atu reforsa koñesimentu no abilidade kona-ba implementasaun PPO, liga ho asisténsia ba vítima violénsia bazeia ba jéneru, ne’ebé foka ba:

Atendementu inkluzivu

Etapa jestaun kazu

Prinsípiu fundamentál ba atendimentu kliente

Hametin koordenasaun membru rede referál sira.

Formasaun durante loron tolu hahú 6 to’o 8 Outubru 2025 ne’e, realiza iha Salaun Auguta Soriano, Bebonok Dili, iha ne’ebé envolve partisipante husi organizasaun rede referál hanesan:

Ministériu Saúde Díli no Ermera

UPV Aileu no Díli

FOKUPERS

ALFeLa

PRADET

RHTO

Totál partisipante hamutuk 30 pesoas, kompostu husi feto 22, mane 8, ne’ebé iha koñesimentu di’ak iha área Saúde, Leis, no Apoiu Psiko-sosiál.

“Hamutuk Ita Hasa’e Kualidade no Koordenasaun iha Responde ba Vítima Violénsia iha Timor-Leste!”

Mídia MSSI