Press Release

Dili Loron 17 Fulan Outubru Tinan 2025

Iha okaziaun ida ne’e, intervensaun Sua Exelensia Ministru MPIE foka bá pontus importante rua hanesan rezultadus servisu mak MPIE ho ninia ajénsias tutelas sira hanesan Ajénsia Dezenvolvimentu Nasionál (ADN), Sekretariadu Grandes Projeitus (SGP), Fundu Dezenvolvimentu Kapitál Humanu (FDCH) no Komisaun Nasionál Aprovizionamentu (CNA) konsege dezempeña iha 2025 no prioriedades bá Orsamentu Jerál Estadu anu fiskál 2026.

Exelénsia Ministru afirma katak dezenvolvimentu iha infraestrutura nu’udar parte importante ida bá dezenvolvimentu sosiál no ekonómiku iha ita nia rain, liu-liu sustentabilidade ekonomía. IX Governu Konstitusionál prioritiza ninia aprossimasaun konsentra bá planeamentu no investimentu integradu bá dezenvolvimentu setór infraestrutura, inklui investimentu infraestrutura bázika iha setór xáve sira hanesan : Turismu, Infraestrukturas, Edukasaun, Saúde, dezenvolvimentu institusionál no dezenvolvimentu finanseira inklui promove Inkluzaun Sosiál hodi optimiza efisiensia no efektividade rekursus finanseiru bá investimentu sustentável hodi kumpri kumprimisiu IX Governu Konstitusionál.

GOVERNU DEFINI HO KLARU ORSAMENTU JERÁL ESTADU 2026 SEI INVESTE BÁ AREA PRIORIEDADE 3 HANESAN DEZENVOLVIMENTU SOCIO-EKONÓMIKU SUSTENTÁVEL, INVESTIMENTU IHA INFRAESTRUKTURAS ESTRATÉJIKAS NO FORTALESIMENTU SEITOR EKONÓMIKU. Nune’e MPIE ninia pioriedade aliña kompleta bá polítika ida ne’e.

Iha okaziaun ida ne’e mós Ministru extende agradesementu bá doadores no parseirus dezenvolvimentu, entidade relevantes seluk mak apoiu ona Governu bá implementasaun programa IX Governu Konstitusionál nian no konkretizasaun metas 2025 no fiar katak apoiu sira ne’e sei kontinua efetua ho governu bá dezenvolvimentu Timor-Leste ohin no bá futuru. Iha tempu hanesan Señor Ministru mós kongratula Parlamentu Nasionál mak konsege ona realiza semináriu importante ne’e.

Semináriu ida ne’e hetan partisipasaun husi Parlamentu Nasionál, Governu, sosiedade sivil, setór privadu no Parseirus Dezenvolvimentu nomos entidade relevantes seluk mak apoiu ona Governu bá implementasaun programa IX Governu Konstitusionál nian.

Remata.

Média MPIE