Press Release

𝐌𝐚𝐮𝐛𝐢𝐬𝐞 𝐊𝐢𝐧𝐭𝐚 𝟏𝟔 𝐎𝐮𝐭𝐮𝐛𝐫𝐨 𝟐𝟎𝟐𝟓;

Diretór Jeral SEAK, Sr. Gil Paulino dos Santos Oliveira, reprezenta Sua-Excelência Sekretáriu Estadu Arte no Kultura Sr. Jorge Soares Cristovão, halo Inagurasaun ba Uma Lisan Mau-Asu, ne'ebé lokaliza iha Aldeia Canorema, Suku Maubise Vila, Postu Administrativu Maubise, Munisípiu Ainaro.

Atividade Inagurasaun Uma Lisan Mau-Asu, Lia nain sira halo Ritual hanesan, Lia nain sae ba uma kakuluk hodi duir naan lulik, simu husi Jerasaun Fetosa, ho sentidu simu matak malirin no oho manu mean soe tuun, ho sentidu kasu ba bandu sira durante halo uma Lisan. No iha uma tatis hamulak no oho asu ho sinal Katak kumpri ona lalaok Lisan nian no jerasaun sira hatama Fatuk rua Lale'a ba uma Lisan Mau-Asu.

"Hodi Sua-Excelensia Secretario de Estado da Arte e Cultural nia naran fo Parabens ba Lia nain no jerasaun husi Uma Lisan Mau-Asu, tanba imi nia unidade bele halo uma ne’e durante fulan Lima nia Laran, ohin ita bele halo nia inagurasaun,”Tenik Gil Paulino dos Santos Oliveira.

Tuir Diretór Jeral, Uma Lisan ne’e kategoriza hanesan sentru kultural tanba bele halibur nafatin jerasaun sira iha serimonia ritual sira no Uma Lisan nu’udar Muzeu kultural tanba bele rai Susan lullik sira desde beiala husi Uma lisan nee rai hela. Tanba nee husu ba jerasaun sira atu kontinua konserva no preservation nafatin nu’udar Parltrimoniu kultural Timor -Leste nian.

Iha serimónia Inagurasaun Uma Lisan Mau-Asu, hetan partisipasaun máxima husi Uma Oan sira, Fetosan, Uma Mane, autoridade lokal no parte Sekretaria Estadu Arte no Kultura inklui hetan monitorizasaun husi ekipa Gabinete SEAK.