Press Release

Díli-Kuarta, 15/10/2025, Ministériu Finansas liuhusi Diresaun Jerál Jestaun no Mobilizasaun Rekursu Externu (DG-GMRE) Sr. Fransisco da Silva, hala’o sorumutu ho Department of Foreign Affairs and Trade (DFAT-Australia).

Objetivu reuniaun ho ekipa DFAT-Australia kona-ba emprestimu no subvensaun ba projetu espansaun aeroprtu internasionál Prezidente Nicolau Lobato ne’ebé asinadu iha 15 dezembru 2022 hon total empréstimu US$ 45 miloens no subvensaun (grant) US$ 28.36 miloens. Diskusaun foka liubá desizaun governu liuhusi Ministériu Transporte no Komunikasaun (MTK), hodi elimina komponente balun ne’ebé konkorda ona atu finansia ho fundu husi DFAT.

Durante diskusaun foka liu bá asuntu tolu, ko’alia kona-ba ajustamentu komponente rua (Sentru Ensimu Báziku Jerál iha Beto Tasi no ponte koneksaun husi Ocean View ba Beto Tasi, mudansa kustu projetu husi ajustamentu komponente, ikusliu alterasaun akordu finanseira.

Sentru Ensimu Báziku Jerál no ponte nu’udar komponente ne’ebé eliminadu bazeia ba evaluasaun projetu husi Ministériu Transporte no Komunikasaun. Sentru Ensimu Báziku Jerál nia konstrusaun sei finansia husi subvensaun (Grant) no ponte sei konstrui ho fundu emprestimu.

Efeitu husi ajustamentu komponente rua ne’e, kauza ba mudansa iha alokasaun kustu, nune’e diskute halo alterasaun ba akordu empréstimu no subvensaun ne’ebé asinadu ona.

Husi pontu diskusaun, parte DFAT-Australia nafatin komprometidu atu apoiu Timor-Leste finaliza projetu Aeroportu Internasional Prezidente Nicolau Lobato, hodi asegura porsaun modalidade finanseira ne’ebé alokadu ona ba projetu ne’e.

DFAT-Australia komprometidu atu fahe esbosu alterasaun akordu finanseiru ho DGGMRE iha fulan ida tuir mai hodi haree no fó komentariu antes parte rua deside no konkorda.

Sorumutu ne’e realiza iha salaun enkontru pizu 9 Ministériu Finansas Aitara-laran, hetan prezensa másimu husi Reprezentante DFAT Sr. Samuel, Counsello Governance and Economia Australia Ambassy Sra. Fabiah Shah no DG-GMRE Sr. Fransisco da Silva.

#Foto: #Ekipa #Media #MinistériuFinansas

Fontes: https://www.facebook.com/share/p/1AGbCkHnLA/