Press Release

Díli-Sesta 17/10/2025, Sua Exelénsia Ministra Finansas Sra. Santina José Rodrigues F. Viegas Cardoso, kontinua partisipa Semináriu Nasionál Panorama Orsamentál 2026 ba loron daruak nian.

Objetivu husi semináriu ne’e maka atu halo diskusaun hamutuk kona-ba vizaun jerál husi Orsamentu Jerál Estadu tinan 2026 nian, ne’ebé sei fó impaktu no benefisiu direta ba povu Timor-Leste.

Parte dader oradór mai husi S.E Vise-Primeiru-Ministru, Ministru Koordenadór Asuntu Sosiál no Ministru Dezenvolvimentu Rurál no Abitasaun Komunitária Sr. Mariano Assanami Sabino, S.E Ministru Planeamentu no Investimentu Estratéjiku Sr. Gastão Francisco de Sousa, nomós S.E Ministru Petróleu no Rekursu Minerais Sr. Fransisco da Costa Monteiro.

Parte loraik oradór sira mai husi S.E Ministru Administrasaun Estatál Sr. Tomás do Rosário Cabral, reprezentante Banku Mundiál iha Timor-Leste Sr. David Fredman, nomós ONG La’o Hamutuk.

Semináriu ne’e organiza husi Parlamento Nasional Timor-Leste, durante loron rua hahú husi loron 16-17 fulan Outubru. Iha parte ikus ensera husi S.E Vise-Prezidente Parlamento Nasionál distintu deputadu Duarte Nunes.

Semináriu Nasionál Panorama Orsamentál 2026 ne’e realiza iha sala auditorium Kayrala Xanana Gusmão Ministériu Finansas Aitarak-laran. Hetan prezensa másimu husi lider Órgaun Soberania, Distintu Deputadu, Membru Governu, reprezentante Banku Mundiál, inklui Organizasaun Naun-Governamentál.

#Foto: #Ekipa #Media #Ministériufinansas

Fontes: https://www.facebook.com/share/p/1KD9ef8zXn/