Press Release

Lautém; Ministru Agrikultura Pecuaria Pesca no Floresta (MAPPF) Marcos “Mameta” da Cruz akompaña husi Diretór Nasionál Irrigasaun Jacinto Vicente Filipe Gama halo Inspesaun ba Eskema Irrigasaun Laivai hodi haree diretamente atinjimentu husi Irrigasaun refere molok halo Inagurasaun. Inspesaun ne’e hala’o iha loron 10/10/2025 iha mota Laivai.

Iha entrevista Ministru espika, antes ne’e Ministériu hetan ona relatoriu husi konsultan ho kontratór liu hosi Dirasaun Nasionál Irrigasau katak projetu ne’e remata ona tanba ne’e mak ekipa husi Ministériu halo inspesaun ikus, hodi hare diretamente atinjimentu, hafoin Ministériu bele relata ba iha PM atu haree bainhira mak bele halo inagurasaun.

“Iha inspesaun ne’e mós ita hare iha barajen, Intek, kanál sira, tanba Irrigasaun ne’e sei fornese bee ba natar husi área mota sorin sorin, ita mós koko loke odamatan be’e mós no soe bee foer nian, hatudu rezultadu diak hotu. Ita mós haree katak natar barak ne’eb’e mak duramnte ne’e abandona kleur ona no natar iha balu sai ona ai-laran bo’ot, maibe área sira ne’e hotu mesak natar ne’ebé mak sei hetan benefisiu bee husi eskema irrigasaun ida ne’e refere tanba ne’e ita sei haree oinsa mobiliza eskavadór no bulldozer husi Ministériu nian hodi bele mai ajuda ita-nia povu atu hamós área natar ida ne’e husi ai-laran, atu nune’e Eskema Irrigasaun ne’e inagura ita-nia komunidade sira mós bele halo natar.”katak Ministru

Ministru akresenta, antes atu halo inspesaun ba Irrigasaun, ita mós hetan aprezentasaun husi Konsultan no Kontratór katak Irrigasaun ne’e atinji ona 99.9% ne’e katak hela ituan de’it atu finaliza. Fasilidade sira iha área eskema Irrigasaun ne’e la’os de’it kanál, maibe kompleta ho uma rua, iuma ida ba asosiasaun uza bee katak agrikultór sira uza hodi hala’o enkontru ka diskusaun ruma konaba problema no solusaun ne’ebé mak sira presiza hetan, no uma ida seluk atu oferese ba guarda Bokadura sira hodi hela no tau matan ba Eskema Irrigasaun ne’e.

Irrigasaun ne’e sei fo benefisiu ba komunidade nia área natar 300 ektare, maibe área potensia ba natar totál 500 HA, Ministériu hare item servisu laos de’it ba iha Eskema Irrigasaun ne’e, maibe iha área seluk hanesan Estrada, kompañia mós loke Estrada asesu ba esekma irrigasaun ne;e hahú husi Estrada laivai to’o iha eskema irrigasaun ne’e aspal htu ona, ida ne’e mós sei fasilita agrikultór sira hodi transporta sira nia produtu husi natar ba iha merkadu ka vila laran, atu sira bele hetan rendientu ruma. Ekipa DMEA