Press Release

Manufahi:16/10)2025 Ministério Agrikultura Pekuaria Peska no Floresta (MAPPF) liu husi Diresaun Geral Pekuária no Veternaria halo Socializasaun ba komunidade no estudande Instituto Politékniku Betano (IPB) iha suku Betano konaba Artifisial Insemisaun (AI) ba karau ne'ebé mak komunidade sira hakiak.

Iha entrevista Diretór Geral Pekuaria Veternaria, Carlos Antunes Amaral katak, Objetivu husi atividade sosializasaun programa ne'ebé MAPPF halo ona konaba Artifisial Insemisaun ba karau Vaka atu nune'e bele hadia no melhora produsaun karau Vaka ne'e rasik no hadia kualidade jenétika ba Karau Vaka lokál ne'ebé mak ho tipu ki’ik tékniku sira bele fo kaben ho Karau Vaka ne'ebé mak ho tipu bo’ot atu bele hadia produsaun hodi bele aumenta peju ne'ebé mak diak. automatikamente nia valór ekonomia ne'ebé diak atu nune'e bele apoiu komunidade sira ne'ebé hakiak karau nune’e bele aumenta sira produsaun karau no kualidade ba ekonomia familia.

Nia akresenta, atividade ne'e inísiu halo ona iha Munisípiu Viqueque no Manufahi sei kontinua mós halo Sosializasaun ba iha Munisípiu Bobonaro, Covalima ba komunidade sira ne'ebé mak hakiak karau atu bele iha informasaun klaru ba sira, oinsa atu prepra a’an hodi simu programa ne'ebe mak MAPPF fo ba komunidade hakiak nain sira. Maibé sira mós tenki priense kriteria husi parte MAPPF atu bele kesi sira nia karau ne'ebe mak sira hakiak no hetan inspesaun husi tekniku hodi hare direita karau sira ne'e kabuk ona karik, la bele halo Inseminasaun Artifisial, no karau sira ne'ebé mak seidauk kabuk mak bele fo kaben liu husi Insemisaun atu nune'e nia produsaun karau bele hetan rezultadu ne'ebe mak diak.

Ministerio Agrikultura Pekuária Peska no Floresta liu husi Diresaun Geral Pekuária no Veternaria nafatin halo Sosializasaun ba komunidade sira liu-liu ba iha Autoridade lokal iha postu, xefe suku no xefe aldeia sira nafatin iha kolaborasaun diak ho tekniku husi MAPPF atu bele apoiu hodi hato ba komunidade sira ne'ebe mak hakiak karau atu bele ofrese sira nia karau hodi simu Artifisial Insemisaun ne'e rasik atu bele bele aumenta produsaun karau ho numero ne'ebé maka’as tenik DG.

Iha fatin hanesan Vice Prezidente IPB Cipriano Tilman fo apresisaun ba ekipa husi MAPPF ne'ebé mak bele to’o iha fatin refere, tanba estudante sira durante ne'e seidauk hasoru atividade hanesan ne'e liu-liu konaba socializasaun konaba Insemisaun Artifisial, maske karau aman la iha maibe liu husi Insemisaun Artifisial karau bele kabuk, maibe sira nafatin presiza apoiu mos husi MAPPF atu bele fasilita sira hodi bele halo atividade sira iha kampu, sira nafatin prontu hodi simu programa sira ne’e tanba estudante sira presiza tebes programa sira hanesan, tanba estudante sira mak futuru nasaun Timor Leste.

Nune'e mos agrikultor hakiak nain Domingos Tilman da Silva hato’o nia agradese tebes ba programa ne'ebé MAPPF atu oferese, maibe sira hakrak tebes programa ne'e tenki kontinua nafatin ba oin tanba karau ne'ebé mak durante ne'e sira hakiak ki’ik, maibe ho programa Insemisaun Artifísial ba karau hodi hasa’e nia peju ne'ebé mak bo’ot atu nune'e komunidade sira fan mós bele hetan osan diak hodi bele sustenta nesesidade familia, sira mós prontu atu kesi karau sira ne'ebé sei husik livre, atu bele simu programa ne'ebé MAPPF oferese liu-liu konaba Insemisaun Artifisial karau sira ne'ebé mak sira hakiak durante ne'e. ekipa DMEA