Press Release

Díli, 9 Outubru 2025 Marka tan pasu importante ida ba Feto Timor oan nain 100 ne'ebé hetan ona sira nia lisensa kondusaun kareta no sertifikadu husi kompania MRM liu husi inisiativa “Women on Wheels” ne'ebé lidera husi SEFOPE- Governu Australia- PALM.

Programa “Women on Wheels” dezena espesifikamente atu fó kapasitasaun feto Timor oan sira iha area kondusaun kareta, ho expektativa atu prepara kandidatu traballadores feto hodi konkotre ba oportunidade servisu iha Austrália . Objetivu prinsipal husi kapasitasaun ida ne'e mak atu hasae partisipasaun feto iha mobilidade traballu no promove igualidade Jeneru iha impelemntasaun prorgama eskema PALM rasik.

Treinamentu ne'e implementa husi kompania MRM hahu hosi loron 15 Abril to'o 15 Agostu 2025, lisaun sira ne'ebé partisipantes sira aprende inklui instrusaun teóriku no prátiku kona-ba seguranza wain hira kondus kareta, regulamentu trafiku, no manejamentu veíkulu.

Seremonia sertifikasaun ida ne'e partisipa direita husi Diretor Nasional Empregu Estranjeiru Sr. Sr. João Correia Pereira, hamutuk ho representante husi Governu Australia inklui parseria DNTT.

" Hau orgulhu tebes tamba bele hetan oportunidade ida ne'e, hau bele aprende oinsa kondus kareta iha Estrada publiku, hau hatene difikuldade barak

mak hau ho kolega sira hasoru hanesan treinu iha loron manas,dala difisil atu domina operasaun kareta ho diak maibe ami nafatin pasensia no haksolok atu aprende. Agora hau bele hetan hau nia karta kundusaun/ SIM inklui sertifikadu husi MRM, Origado barak ba SEFOPE, Governu Autralia no kompania MRM" .Dehan Maria Luiza, partisipante husi treinamentu .

Parabens ba partispnates sira hotu ba ita boot sira nia atinjimentu signifikativu ida ne'e.