Asuntu : Durante loron 3 hahu dia 15-17 fulan Outubru, Diresaun Nasional Empregu Estranjeiro organiza sesaun Pre-Departure Briefing ba trabalhadores nain 55 ne’ebé emprega ona husi kompania : Madec, Cable Beach, Piñata Farm, Hillwood Hanesan babain, PDB nudar pasu vital Ida atu prepara trabalhador sira ba moris no servisu iha nasaun Australia. Durante sesaun sira, ekipa DNEE-SEFOPE fornese informasaun importante kona-ba lei Australia, direitu trabalhador nian, no benefísiu partisipante sira sei hetan liuhusi programa Pacific Australia Labour Mobility (PALM). Topiku adisionál sira inklui valor Australia, seguransa iha servisu, adaptasaun kultural, no esperansa báziku atu susesu iha programa ne’e. Aleinde ne’e, iha mos aprezentasaun komprensivu husi ANZ no BNCTL kona-ba servisu no literasia finansiál, inklui oinsa atu maneja osan ho responsabilidade liu-liu halo, poupansa, no investimentu ne’ebe sustentavel ba trabalhadores no sira-nia família iha futuru. Iha aktividades PDB nee hetan partisipasaun husi Xefe Departementu Deslokasaun, Sr. Alarico Fernandes, no hetan visita mos husi Indústria Negósiu, Inovasaun no Empregu Nova Zelándia nian sr.Matthew Gibbs.
Data Publica : 20 Oct 2025
Descrisaun :
