Asuntu : 𝗠𝗱𝗦 𝗟𝗜𝗨𝗛𝗢𝗦𝗜 𝗗𝗡𝗣𝗞𝗠 𝗛𝗔𝗟𝗔’𝗢 𝗦𝗢𝗥𝗨𝗠𝗨𝗧𝗨 𝗛𝗢 𝗢𝗙𝗜𝗦𝗜𝗔́𝗟 𝗣𝗢𝗡𝗧𝗨 𝗘𝗡𝗧𝗥𝗔𝗗𝗔 𝗦𝗜𝗥𝗔! 16 Outubru 2025: Ministériu Saúde (MdS) liuhosi Diresaun Nasional Prevensaun Kontrolu Moras (DNPKM) hala’o sorumutu ho ofisiál Pontu Entrada sira durante loron 2 ho tema “Avalizasaun no Harmoniza Standar Operating Procedure (SoP) ba Implementasaun International Health Regulation (IHR-2005) ou Regulamentu Sanitáriu Internasionál, Iha Pontu Entrada (PE) Designadu, Iha Portu Baia Tibar. Objetivu husi sorumutu ne’e atu harmoniza SoP ba kapasidade responde ba atividade rutina no mós Emerjénsia Saúde Públiku ne’ebé konsidera fó ameasa ba saúde públika inklui mós vijilánsia no prevensaun iha PE designadu sira. IHR maka akordu internasional legál ida-ne’ebé hametin nasaun membru kompostu hosi Nasaun 196 atu hamutuk hodi prevene propagasaun Internasional infesioza sira no ameasa sira seluk ba saúde públika. IHR mós trasa kapasidade sentrál espesífiku sira ne’ebé nasaun sira tenke dezenvolve ba sira-nia PE ne’ebé designadu (Aeroportu, Portu no Fronteira terrestre) hodi jere risku sira saúde púbika nian. Kapasidade sira-ne’e krusiál atu detekta, avalia no hatan emerjénsia saúde públiku potensiál sira ne’ebé sai preokupasaun internasionál liuhosi estebelese medida sira vijilánsia no resposta nian ne’ebé loloos iha pontu transfere internasionál sira-ne’e. Abertura ba sorumutu ne'e mak Diretor-NPKM dr. Hector da costa pereira no hetan partisipasaun masimu hosi Funsionariu MdS balun, Alfándega, Kuarentena Tasi-Tolu no seluk-seluk tan.
Data Publica : 20 Oct 2025
Descrisaun :
