Asuntu : 𝐌𝐀𝐏𝐏𝐅 𝐋𝐈𝐔 𝐇𝐔𝐒𝐈 𝐒𝐄𝐅 𝐒𝐄𝐋𝐄𝐁𝐑𝐀 𝐌𝐨𝐔 𝐇𝐎 𝐆𝐀𝐑𝐃𝐄𝐍 𝐁𝐘 𝐓𝐇𝐄 𝐁𝐀𝐘 𝐇𝐔𝐒𝐈 𝐒𝐈𝐍𝐆𝐀𝐏𝐔𝐑𝐀 𝐃𝐄𝐙𝐄𝐍𝐕𝐎𝐋𝐕𝐄 𝐉𝐄𝐒𝐓𝐀𝐔𝐍 𝐑𝐄𝐊𝐔𝐑𝐒𝐔𝐒 𝐅𝐋𝐎𝐑𝐄𝐒𝐓𝐀 Díli, 17 Outobru 2025| 𝐌𝐢𝐧𝐢𝐬𝐭𝐞́𝐫𝐢𝐨 𝐝𝐚 𝐀𝐠𝐫𝐢𝐜𝐮𝐥𝐭𝐮𝐫𝐚, 𝐏𝐞𝐜𝐮𝐚́𝐫𝐢𝐚, 𝐏𝐞𝐬𝐜𝐚 𝐞 𝐅𝐥𝐨𝐫𝐞𝐬𝐭𝐚𝐬(𝐌𝐀𝐏𝐏𝐅), 𝐋𝐢𝐮 𝐡𝐮𝐬𝐢 𝐒𝐞𝐜𝐫𝐞𝐭𝐚𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬(𝐒𝐄𝐅), Direção Gerál Florestas(DGF),Asina Nota Memorandu Entendimentu (MoU) ho 𝐆𝐚𝐫𝐝𝐞𝐧 𝐁𝐲 𝐓𝐡𝐞 𝐁𝐚𝐲 husi Nasaun Singapura, Kooperasaun servisu hamutuk hodi dezenvolve Jestaun Rekursus Florestais iha Timor-Leste. Sesta-feira ne’e iha Salaun MNEC. Akordu ne’e asina entre Diretór Gerál Floresta no delegasaun 𝐆𝐚𝐫𝐝𝐞𝐧 𝐁𝐲 𝐓𝐡𝐞 𝐁𝐚𝐲 husi Singapura no akompañia direta husi Sua Excelência Ministru Negósiu Estranjeiru no Kooperasaun, Sr. Bendito das Santos Freitas, S.E. Ministru Agrikultura, Pekuária, Peska no Florestas (MAPPF), Eng. Marcos da Cruz, MAgSt no 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭. Akordu ne’e mós simboliza vizaun ne’ebé fahe entre Timor-Leste no Singapura, no atu fó oportunidade ba timoroan sira bele aprende liután iha área jestaun ba rekursu florestal. Memorandu Entendimentu ida-ne’e marka passu signifikativu ida tan ba Timor-Leste, tanba Timor-Leste iha kompromisu boot atu proteje natureza, valoriza biodiversidade inklui atu promove dezenvolvimentu ida sustentável ba povu no planeta nia di’ak. Gardens by the Bay sai hanesan ezemplu globál ida kona-ba saida maka posivel bainhira siénsia, inovasaun, no dedikasaun halibur hamutuk hodi restaura no selebra natureza. Timor-Leste, maski ho eskala ki’ik liu, fahe aspirasaun hanesan ne’e - atu konserva no restaura ita-nia patrimóniu naturál ne’ebé riku, hosi ai-laran foho nian to’o ahu-ruin korál sira, ba jerasaun sira iha futuru. Nune’e, liu hosi Memorandu Entendimentu ida-ne'e, bele estabelese enkuadramentu ida ba kooperasaun ba tempu naruk iha área krítiku oioin liu-liu halo identifikasaun, troka, no konservasaun ai-horis nian hodi dokumenta, proteje, no fahe espésie ai-horis nativa no seluk tan. S.E. Ministru Agrikultura, Pekuária, Peska no Florestas (MAPPF), Eng. Marcos da Cruz, MAgSt, Informa importansia husi akordu ne’e sei fó oportunidade ba Timor oan sira hodi bele ba aprende iha Singapura konaba tekniku oinsa atu gere rekursus florestais hanesan Ai-kameli, Ai-parapa no Ai sira seluk tan. “Ita presiza aprende husi sira, ita presiza iha koñesimentu ho tekniku ne’ebé diak atu nune’e bele ajuda ita atu dezenvolve konserva no proteje ita nia rekursus naturais sira ne’e atu bele iha sustentavel, hodi bele fó benefisíu ba ita nia gerasaun tuir mai, teknikamente ita bele haruka ita nia ema balun ba aprende iha ne’ebá sira mós bele mai peskiza identifika no hare ita nia Ai-kameli" hateten S.E. Ministro MAPPF. Iha fatin hanesan mós Xefi ofisiál Operasaun Gardens By The Bay Sr. Ong Kiang, informa akordu ne’e importante tebes husi nasaun rua entre Timor-Leste ho Singapura oinsa bele fahe hanoin ba malu hodi dezenvolve setór Florestal iha Timor Leste. Enkuantu, akordu ne’e ho durasaun ba tinan tolu, no posibilidade bele extende bazeia ba rezultadu implentasaun. Entretantu, partisipa iha atividade ne'e mós Xefe Gabinete SEF, Ex.Diretór Gerál Raimundo Mau, Diretór Nacional no Xefe Departamentu sira hotu no Inklui Funsionáriu sira iha Diresaun Gerál Florestas. Binhira remata atividade ne'e 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬, kontinua hala'o nia viagen servisu ba Munisípiu Manufahi hodi Partisipa iha Lansamentu Regulamentu Suku no Mapa uza Rai ba futuru liu-husi Serimónia Kultura Tara-Bandu, iha Suku Aitemua, Postu Admins. Turiscai, Munisípiu Manufahi. #Média G-SEF.
Data Publica : 20 Oct 2025
Descrisaun :
