Asuntu : V𝐢𝐬𝐞-𝐏𝐌 𝐚𝐠𝐫𝐚𝐝𝐞𝐬𝐞 𝐛𝐚 𝐏𝐫𝐞𝐳𝐢𝐝𝐞𝐧𝐭𝐞 𝐏𝐫𝐚𝐛𝐨𝐰𝐨 Vise-Primeiru-Ministru no Ministru Koordenadór ba Asuntu Ekonómiku, Ministru Turizmu no Ambiente, Dato’ Seri Francisco Kalbuadi Lay, hato'o agradesementu no apresiasaun ba Prezidente Republika Indonézia Prabowo Subianto liu husi Ministru Komersio Budi Santoso tanba kontinua fó apoiu ba Timor-Leste atu tama ofisiálmente ba ASEAN iha loron 26 Outubro 2025. Vise-PM ne’e katak, adesaun ida-ne’e sei loke oportunidade foun ba kooperasaun, liuliu iha setor privadu no konetividade rejionál. Mensajen ne'e Vise Primeiru Ministru hato'o hafoin enkontru bilateral ho Ministru Komersio Indonézia Budi Santoso iha Jakarta, 16 Outubro 2025. Prejensa Governante ne’e iha Trade Expo Indonésia ba dala 40 ne'e, hanesan oportunidade importante atu reforsa relasaun ekonomiku no komérsiu entre Timor-Leste ho Indonézia, liliu iha momentu ne’ebé nasaun ne’e prepara atu hetan adesão ofisiál ba ASEAN. Vise-PM kontinua agradese ba Repúblika Indonézia, liliu ba Ministru Komérsiu, Budi Santoso, ne’ebé konvida Vise-PM atu partisipa iha Trade Expo ba dala 40 iha Jakarta, husi loron 14 to’o 18 Outubru ne'ebé partisiapa husi nasaun 130 no mós iha empreza Timor-oan barak, empreza ki’ik to’o boot ne’ebé simu apoiu husi Embaixada Indonésia iha Díli no Embaixada Timor-Leste iha Jakarta. Vise-Primeiru-Ministru mós subliña tan katak, prezensa ne’e signifika boot, tanba falta de’it loron sanulu atu Timor-Leste adere ofisiálmente ba ASEAN. Aleinde ne’e Embaixadór Indonésia ba Timor-Leste, Okto Dorinus Manik agradese ba Governu Timor-Leste, liliu ba prezensa Vice-Primeiru-Ministru, Dato’ Seri Francisco Kalbuadi Lay iha Trade Expo ba dala 40. Nune mos Embaixador Timor-Leste ba Indonézia, Roberto Soares, apresia ba empresáriu Timor oan sira nia esforsu, iha feira ne’e laos deit atu aumenta visibilidade nasaun, maibé mos atu fortales ko'operasaun ekonomiku ho empresáriu Indonézia nian, ba benfísiu hamutuk. Jérente Câmara Comércio no Indústria Timor-Leste (CCI-TL) Munisípiu Ermera, Luís Alves Tilman, hatete partisipasaun Timor-Leste iha edisaun ba dala 40 Trade Expo Indonézia hanesan oportunidade ne’ebé importante hodi hasa’e koñesementu kona-ba dezenvolvimentu ekonomia no indústria Indonézia nian, no mos atu promove ko'operasaun empresáriál entre nasaun rua ne’e, hodi Câmara Comércio no Indústria Timor-Leste, hakarak hato'o agradesementu ba Vise-Primeiru-Ministru no Embaixador Indonézia ba sira nia apoio. Trade Expo Indonésia henesan feira komérsiál bo'ot liuhosi Sudeste Aziátiku, ne’ebé servisu hanesan plataforma atu promové no troka esperiénsia ekonomika entre nasaun rejionál sira ho parseiro internasionál sira.
Data Publica : 21 Oct 2025
Descrisaun :
