Asuntu : Atividade SECoop – 14–15 Outubru 2025 | Estudu Komparativu iha Bali Honey, Indonézia Iha loron 14 Outubru 2025, Sua Excia Sekretáriu Estadu ba Kooperativa (SECoop), Eng. Arsénio Pereira da Silva, M.Agr., hamutuk ho Diretor Nasionál ba Planeamentu Integradu no Produsaun Gestaun Kooperativa, kargu xefia sira no produtor bani-been ne’ebé sai reprezentante movimentu kooperativa sira, hala’o estudu komparativu iha sentru produsaun bani-been iha Bali Honey, Indonézia. Vizita ida ne’e hanesan kontinuidade husi asina Memorándum de Entendimento (MoU) entre SECoop no Bali Honey ne’ebé hala’o iha 16 Setembru 2025, iha Dili, Timor-Leste. Partisipante sira kompostu husi membru kooperativa nain 7 husi Munisípiu Manatuto, Ermera no Liquiça, ne’ebé representa produtor lokál sira ho esperansa atu dezenvolve produsaun bani-been ho kualidade aas hanesan fontes rendimentu ekonomia familía no kuntribui ba kresimentu ekonomia Timor-Leste nian. Durante treinamentu loron 14 no 15 Outubru, partisipante sira aprende konaba tópiku importante sira hanesan: Iha Bali, SECoop no movimentu kooperativa sira aprende katak inovasaun, kualidade no organizasaun la’ós buat luxu, maibé mak instrumentu importante atu transforma ekonomia lokal de forma susténsavel. Objetivu final mak adopta no dezenvolve esperiénsia adekuadu hodi transforma setór bani-been Timor-Leste nian sai produtu orgulho ba nasaun. #SECoopTimorLeste #Kooperativa #BaliHoneyStudyVisit #EmpoderamentuKooperativa #AgrikulturaSustentavel
Data Publica : 21 Oct 2025
Descrisaun :
Objetivu prinsipal husi estudu komparativu ida ne’e mak atu apreende no kompara prátika produsaun bani-been, espesifikamente iha mekanizmu prátika,hakiak bani, prosesamentu Kolheta no postkoilheta baniben,kolheta, konservasaun, pakotamentu no embalagem bani been too iha distribuisaun ba Merkadu, hodi garante kualidade no kuantidade produtu ne’ebé koresponde ho demanda merkadu lokal no internasionál.
• Oinsa atu identifika potensia ai-funan ne’ebé sai fontes ai-han ba bani-been husi espesies ai-horis diferente, atu produs nektar, propolis no polén (bee pollen) ne’ebé garante kualidade no kuantidade bani-been.
• Téknika preparasaun, filtrajen no empakotamentu bani-been tuir padraun internasionál.
• Jestaun no kolaborasaun entre parte interessadu sira atu hasa’e produsaun bani-been ne’ebé sai rendimentu ekonomia ba familía no komunidade.
🇵🇹 Portuguese
