Asuntu : 𝗗𝗲𝗹𝗲𝗴𝗮𝘀𝗮𝘂𝗻 𝗦𝗘𝗞𝗼𝗼𝗽 𝗩𝗶𝘇𝗶𝘁𝗮 𝗦𝗲𝗻𝘁𝗿𝘂 𝗣𝗿𝗼𝗱𝘂𝘀𝗮𝘂𝗻 𝗞𝗮𝗿𝗮𝘂 𝗦𝘂𝘀𝘂𝗯𝗲𝗻 𝗶𝗵𝗮 𝗕𝗮𝗻𝘆𝘂𝘄𝗮𝗻𝗴𝗶, 𝗜𝗻𝗱𝗼𝗻é𝘇𝗶𝗮. Banyuwangi, 15 Outubru 2025 Delegasaun husi Sekretaria Estadu Kooperativa (SEKoop) ne’ebé lidera husi Eselénsia Sekretáriu Estadu Kooperativa, Eng. Arsénio Pereira da Silva, M.Agr., hala’o vizita kortezia ba Sentru Produsaun Integradu Karau Susuben Fresku ne’ebé transforma leite ba produtu finál hanesan keiju no yogurt, lokaliza iha Margo Utomo Eco Resort, Banyuwangi, Jawa Timur, Indonézia. Sekretáriu Estadu akompaña husi Diretor Nasionál Produsaun, kargu xefia no membru kooperativa sira. Objetivu principal vizita ne’e mak atu haree direitamente prosesu produsaun integradu karau susu, no aprende esperiénsia pratika husi sentru produsaun ne’e, ne’ebé bele adapta no aplika iha Timor-Leste. Iha vizita ofisiál ida ne’e mos iha ligasaun ho programa SEKoop ba establisementu sentru produsaun integradu iha munisípiu Lautém no Manufahi iha tinan tuir mai. Programa ida ne’e parte husi prioridade Planu Tinan Lima (5) SEKoop nian, ho foku ba hasa’e produsaun produtu lokal sira hanesan: Bafó kayrala, Bani-ben, Karau susu fresku, Masin, Mina-nu’u, Mina-kami. “Ita tenki aprende husi esperiénsia ne’ebé di’ak atu bele aplika iha Timor-Leste, tanba setor agrikultura iha potencial boot atu apoia dezenvolvimentu ekonomia komunidade,” nia hatete. #Média SEKoop#
Data Publica : 21 Oct 2025
Descrisaun :
Sekretáriu Estadu Kooperativa hatete, esperiénsia husi Banyuwangi sei ajuda hodi reforsa kapasidade kooperativa iha Timor-Leste, liu-liu iha aspétu inovasaun, diversifikasaun produtu no valorizasaun agrikultura lokal.
