20 Oktober 2025

Ministra Solidariedade Sosiál no Inkluzaun, Verónica das Dores ho Vise-Ministra, Céu Brites, hamutuk ho institutu tutelada rua hanesan, Institutu Nasionál Seguransa Sosiál no Fundu Rezerva Seguransa Sosiál (INSS-FRSS), no mós Sentru Nasionál Reabilitasaun, marka audiénsia públika ho Komisaun F Parlamentu Nasionál, ne’ebé trata asuntu Saude, Igualdade Jéneru no Seguransa Sosiál, hodi halo aprezentasaun kona-ba Ministériu Solidariedade Sosiál no Inkluzaun (MSSI) nia progresu ezekusaun Orsamentu Jerál Estadu (OJE) tinan 2025 atinji ona 54.12%, inplemanta ba programa bot rua.

1. Funsionamentu no Dezenvolvimentu Institusionál

2. Inkulzaun Sosiál

Aleinde ne'e halo mós aprezentasaun no apresiasaun ba planu orsamentu no programa MSSI nian iha tinan fiskál 2026.

Audiénsia Públika ne’e lidera husi Prezidente Komisaun F, Parlamentu Nasionál, Deputada Maria Gorumali Barreto, iha sala audiénsia Komisaun F Parlamentu Nasionál, Segunda-feira (20/10/2025).

Akompaña Ministra no Vise-Ministra iha audiénsia públika ne’e, Diretór Jerál Servisu Korporativus MSSI, Fernando dos Reis, Diretór Jerál Protesaun Sosiál, Floréncio Pina Dias Gonzaga, Diretór Jerál CNR, Alexandre Morais, Prezidente INSS-FRSS, Arlindo Pinto; inklui Diretores Nasionais no Asesores MSSI.

Mídia MSSI