Asuntu : 𝐊𝐎𝐌𝐈𝐒𝐀𝐔𝐍 𝐄 𝐌𝐀𝐑𝐊𝐀 𝐀𝐔𝐃I𝐄𝐍𝐒𝐈𝐀 𝐏Ú𝐁𝐋𝐈𝐊𝐀 𝐇𝐎 𝐌𝐈𝐍𝐈𝐒𝐓É𝐑𝐈𝐔 𝐓𝐑𝐀𝐍𝐒𝐏𝐎𝐑𝐓𝐄 𝐍𝐎 𝐊𝐎𝐌𝐔𝐍𝐈𝐊𝐀𝐒𝐀𝐔𝐍 𝐈𝐇𝐀 𝐒𝐀𝐋𝐀 𝐊𝐎𝐌𝐈𝐒𝐀𝐔𝐍 𝐄 𝐏𝐀𝐑𝐋𝐀𝐌𝐄𝐍𝐓𝐔 𝐍𝐀𝐒𝐈𝐎𝐍Á𝐋. Dili, 21 Outubru 2025 Komisaun E Parlamentu Nasionál ne’ebé Trata Asuntu Infra-Estrutura marka audiensia ho Ministériu Transporte no Komunikasaun tersa ohin, hodi diskuti Projetu Proposta Lei no 23/VI/(3a). Iha audíensia ne’e Deskuti ejekusaun OJE 2025 nomos rezolusaun husi Gabinete Primeiru Ministru no Prezidénsia Konsellu Ministru kona-bá karta sirkular atu taka Institútu Públiku haat no Empreza Públika ida iha Ministériu Transporte no Komunikasaun. Ministru Transporte no Komunikasaun, Eng.Miguel Marques Gonçalves Manetelu iha nia diskursu abertura hatete Politika Governu nia atu taka Institútu Públiku no Empreza Públika sira seida’uk iha serteza. “Los duni iha sirkular ne’ebé fó sai husi sua eselensia primeiru ministru reforma no reestruturasaun bá EP ho IP sira, total IP iha Ministériu Transporte no Komunikasaun hamutuk haat (4) mak hanesan TIC TIMOR, ANC.IP, AACTL.IP no APORTIL.IP no EP iha ida (1), mak ANATL-EP, Sirkular ne’ebé fó sai iha Gabinete Primeiru Ministru no Gabinete Presidensia Konsellu Ministru MTK maka ANATL-EP iha hanoin atu taka, TIC-TIMOR ho Aportil maibé to’o ohin loron rezolusaun ne’ebé mak atu taka ne’e, seida’uk halo diskusaun iha konsellu ministru, tanba ne’e mak ita seidauk hatene atu taka la taka ne’e ita seida’uk hatene depois rezolusaun sai husi Konsellu Ministru kona-ba asuntu ne’e rezolusaun ne’e fo sai ona mak ita foin haree, maibé iha Komite Revizaun Orsamentu (KRO) kontinua aprova pedidu orsamentu ne’ebé sira hato’o no aloka bá kada ajénsia ida-idak nia” dehan Ministru Manetelu iha audíensia públika ho Komisaun E Parlamentu Nasionál. Ministru Manetelu mós afirma ejekusaun OJE 2025 Ministériu Transporte no Komunikasaun nia ho pakote ida iha transferensia publika ida bá ANATL-EP tanba ne’e mak ANATL la aprezenta nia orsamentu ketak tanba nia osan hamutuk ho Ministériu iha transferénsia públika. “Los duni iha tinan rua tutuir malu ha’u informa iha komisaun E bainhira hahú estabelese ANATL-EP iha 2016 nomos APORTIL altura ne’ebá funsionáriu sira ne’ebé bá servisu iha entidade rua ne’e funsionariu públiku sira mak lisensa espesiál sem vensimentu bá reforsa iha ne’ebá to’o ohin loron funsionáriu permanente sira ne’ebé bá reforsa iha ajénsia sira tantu iha ANATL, APORTIL no AACTL sei kontinua servisu iha ne’ebá” Ministru Manetelu afirma. Governante ne’e hatete agóra mak Komisaun Funsaun Públika haree hela oinsá maka bá oin ne’e sira tenke fila hotu mai servisu iha ministériu ka sei iha ne’ebá. Funsionáriu públiku sira ne’e maske sira hatama pedidu lisensa sem vensimentu maibé sira nia saláriu kontinua aloka iha OJE tanba ne’e mak Ministru Manetelu nia hanoin ezekusaun pagamentu bá saláriu lá atinji sem porsentu ne’e laos foin agora. “Ho razaun sira ne’e mak destintu deputadu sira antes mai ne’e mós rekrutamentu bá funsionáriu kontratadu sira barak atu taka fali ema sira ne’ebé mak bá servisu iha ajénsia sira tanba ne’e mak ita rekruta termu sertu sira ne’e, hodi halo servisu sira ne’e, liu-liu ha’u ko’alia kona-bá kontestu MTK nia tanba ne’e mak ita nia termu sertu ne’e sae makaas tanba atu taka fali sira ne’ebé reforma iha ajénsia sira ne’e hahú kedas funsionáriu ne’ebé iha lisensa espesiál sem vensimentu” Ministru Manetelu esplika. Partisipa iha audíensia públika ne’e Xefe Gabinete Ministru José da Costa, Diretór Jerál Administrasaun no Finansas MTK, Aniceto Leto Soro no Diretora Nasionais, kargu Xefia sira iha Ministériu Transporte no Komunikasaun. Prezidente ANATL-EP, Romualdo António Soares da Silva ho estrutura, Prezidente ANC, Eng.Flávio Cardoso Neves ho estrutura, Prezidente APORTIL-IP José de Oliveira Leong ho estrutura, Diretór Exekutivu TIC-TIMOR, Venancio Pinto ho Estrutura, Prezidente AACTL-IP, Zezinho António Gusmão ho estrutura. 𝐌é𝐝𝐢𝐚 𝐌𝐓𝐊
Data Publica : 21 Oct 2025
Descrisaun :
