Parlamentu Nasional liu husi Komisaun G  nebe trata Asuntu Edukasaun, Joventude, Desportu no Sidadania Parlamentu Nasionál hala’o audiénsia públika ho SECOMS hodi avalia ba ezekusaun Orsamentu Jerál Estadu (OJE) 2025 no haree proposta orsamentál  2026. (©MediaGVMAP)

Dili, 20 Outubru 2022 – Sekretáriu Estado Komunikasaun Sosiál, Señor Expeditu ‘Loro’ Dias Ximenes, ne’ebé hetan akompaña hosi estrutura SEKOMS nian aprezenta rezultadu ezekusaun orsamentál to’o Outubru 2025, ne’ebé atinje ona millaun $4,076.166.22 ho porsentu 82, 3% husi orsamentu total ne’ebé aprova ona ho montante  millaun $ 6.038.535.

Ezekusaun ho kategoria  iha audiénsia ne’e, destaka nivel ezekusaun hanesan tuir mai ne’e.

• • Saláriu no Vensimentu : 71% ($.1.619.260)
  • Sasán no Servisu : 18.84% ($767.835).
  • Transferénsia Públikas: 67.49% ($2.751.440.
  • Kapitál Dezenvolvimentu: 22.07% ($900.000)

Proposta Orsamentu ba 2026 prevé orsamentu ho total millaun $ 5,594,454.00 ne’ebé hatudu menus kompara ho tinan 2025 nian. Tuir Sekretáriu Estadu SECOMS Expeditu Dias Ximenes katak, ba tinan 2026 SECOMS aloka montante total millaun USD 1,192,238.00 atu responde ba obrigasaun legal no operasionál hodi selu Sálariu vensimentu  ba funsionariu  sira, ne’ebé iha kuadru SECOMS.                                                                                                                                     

Bens e Servisus ho montante millaun USD 775,876.00,  alokasaun ida ne’e hodi sustenta nesesidade  operasionál Gabinete Sekretaria Estadu ba Komunikasaun Sosiál atu garante funsionamentu efisiénsia no efektivu iha tinan 2026.

Transférensia Públika ho alokasaun orsamentu montante total millaun USD 2,952,440.00, ne’ebé previstu iha Orsamentu Estadu, sei kontinua fó apoiu ba programa sira prioritáriu iha área komunikasaun sosiál.  Maka hanesan:

• • kontinua apoio ba Rádio Komunitáriu sira
  • fasilita no operasionalizasaun Sentru Informasaun iha nivel suku
  • apoio ba Asosiasaun Jornalista sira
  • Transférensia ba RTTL.EP
  • Apoio ba Sentru Audiovizual Max Stahl Timor-Leste

Distribuisaun husi programa sira, Orsamentu sei aloka ba programa prinsipal tolu ;

• • Programa 510 – Funsionamentu no Desenvolvimentu Institusionál
  • Programa A33 – Dezenvovimentu ba Setór Komunikasaun Sosiál
  • Programa A37 – Dezenvolve Sistema Komunikasaun Institusionál

 Tuir  SECOMS ho orsamentu ne’e bele asegura implementasaun planu Estratéjiku SECOMS ba tinan 2026., no planu estratéjia ne’ebé klaru hodi promove meiu komunikasaun soaiál livre no professional, komunika polítika governu nian ho efisiensia, konsolida no garante Liberdade espresaun no imprensa iha Timor-Leste. (©MediaGVMAP)

Fontes: Komisaun G Parlamentu Nasionál. hala’o Audénsia Públika ho Sekretária Estadu Komunikasaun Sosiál – SEKOMS | Portal GVMAP