Asuntu : 𝐒𝐄𝐀𝐊 𝐈𝐧𝐚𝐠𝐮𝐫𝐚 𝐔𝐦𝐚 𝐋𝐢𝐬𝐚𝐧 𝐇𝐚𝐮𝐭 𝐁𝐥𝐚𝐞 𝐈𝐡𝐚 𝐅𝐚𝐭𝐮𝐫𝐢𝐥𝐚𝐮, 𝐀𝐢𝐥𝐞𝐮 𝐀𝐢𝐥𝐞𝐮, 𝐒𝐚𝐛𝐚𝐝𝐨 𝟏𝟖 𝐎𝐮𝐭𝐮𝐛𝐫𝐮 𝟐𝟎𝟐𝟓; Sekretariu Estadu ba Arte no Kultura (SEAK), SE Jorge Soares Cristovão, liu husi Diretor Jeral Arte no Kultura Sr. Gil Paulino dos Santos Oliveira ho ekipa, partisipa Serimónia inagurasaun Uma Lisan Haut Blae, ne’ebè lokaliza iha Aldeia Lebumera, Suku Faturilau, Postu Administrativu Liquidoe, Munisipiu Aileu. Uma Lisan Haut Blae konstroi ho Material prima sira hanesan Ai-kabelak , taka ho duut, hodi kontinua prezerva nafatin nia orijinalidade ne'ebe husik hela husi beiala sira, mai to ohin loron. Serimonia Inagurasaun uma Lisan Haut Blae ne'e, hetan mos Bensaun husi parte Igreja liu husi Amu Vigariu Paroquia Liquidoe. "Lori Sua- Excelensia Sekretariu Estadu Arte Kultura nia naran hakarak apresia no fo parabens ba Lia nain no jerasaun husi uma Lisan Haut Blae nian, tanba ho ita boot sira nia esforsu hodi halo konstrusaun ba ita boot sira nia uma lisan Haut Blae, hanesan parte ida apoiu governu liliu apoiu programa Sekretaria Estadu Arte no Kultura konaba prezerva, konserva no salva guarda ba ita nia heransa Kultural sira no Uma lisan nee rasik nu'udar patrimoniu kultural Estadu Timor-Leste nian," Hateten Diretor Jeral SEAK. Iha Serimónia inagurasaun ne'e, partisipa husi jerasaun fetosa no umane sira, konvidadu Autoridade Lokal, Autoridade Seguransa PNTL, Komisariu CAC, Amu vigariu Paroku Liquidoe inklui SEAK.
Data Publica : 22 Oct 2025
Descrisaun :
