21 Outubru 2025: Ministra Saúde (MS) dr. Élia A.A. dos Reis Amaral, SH hamutuk ho Vise-Ministru ba Fortalesimentu Institusional Saúde (VMFIS) Sr. José dos Reis Magno Lic. SP. MM, Partisipa iha Konsulta Públika Polítika no Planu Asaun Ekonomia Azúl ho Autoridade Minisipál no Lider Komunitáriu sira, ne’ebé abertura hosi Primeiru-Ministru (PM), Kay Rala Xanana Gusmão, Iha Salaun Auditóriu, Ministériu Finansas (MF), Aitarak laran, Dili.

Konsulta públika durante loron ida, ne’ebé hala’o nu’udar parte hosi sesaun lubuk ida ba auskultasaun públika, prezensiál no online, hodi promove diálogu inkluzivu ida kona-bá vizaun estratéjika Timor-Leste (TL) nian ba dezenvolvimentu ekonomia azúl ida ne’ebé reziliente no sustentável, tuir define ona iha Polítika no Planu Asaun Ekonomia Azúl ba Tinan 2025–2035.

Partisipa iha Konsulta Públika mak hanesan Membru Governu da-9 balun, Prezidente Autoridade Munisipál (PAM), Autoridade Administrativa Atauro, Administrador no Postu Administrativo Inklui Rejiaun Administrativa Espesiál Oe-Cusse Ambeno (RAEOA), Lideransa Komuntáriu sira no Seluk-seluk tan.

#MídiaPalácioDasCinzas