Asuntu : MSSI Lansa Rekolamentu Dadus Bem Estár Sosiál Ministériu Solidariedade Sosiál no Inkluzaun (MSSI), hala’o lansamentu ba Atividade Rekolamentu Dadus Reprodus ba Bem Estár Sosiál. Lansamentu ida-ne’e nu’udar pasu importante ida iha prosesu rekolamentu dadus, hodi identifika tipu problema bem está sosiál iha Timor-Leste. Lansamentu ne’e hala’o iha Edifísiu Sentrál MSSI Kaikoli Dili, Kuarta-feira (22/10/2025). Iha abertura, Ministra MSSI, Verónica das Dores hatete, objetivu husi lansamentu ida-ne’e atu formaliza ekipa ne’ebé sei responsabiliza ba rekolamentu dadus reprodus, hodi tulun ministériu atu hetan dadus ne’ebé loos, relasiona ho tipu no problema bem estár sosiál sira iha baze, ho nune’e ministériu bele hatene tipu problema sosiál loloos iha komunidade nia leet. Atividade rekolamentu hahú 22 Outubru to’o 19 Dezembru 2025. Durasaun rekolamentu dadus þ Ba Munisípiu no Postu Administrativu ne’ebé ho sukus menus husi 5, rekolamentu dadus sei la’o durante fulan ida; þ Ba Munisípiu no Postu Administrativu ne’ebé ho sukus husi 5-8, rekolamentu dadus sei la’o durante fulan ida liu semana ida; þ Ba Munisípiu no Postu Administrativu ne’ebé ho sukus 8 ba leten, rekolamentu dadus sei la’o durante fulan ida liu semana rua. Iha biban ida-ne’e, Ministra hato’o agradesimentu ba ekipa rekolamentu dadus, ne’ebé hetan konfiansa husi MSSI hodi hala’o knaar ida-ne’e, tanba rejultadu husi rekolamentu ne’e sei tulun governu atu hatene ho loloos problema bem estár sosiál iha rai laran, nune’e governu liuhusi MSSI bele tau iha planu atu mellora prestasaun servisu ba povu. Mídia MSSI
Data Publica : 22 Oct 2025
Descrisaun :
