Asuntu : Ministra MSSI Abertura Semináriu Internasionál ba Reforsa Kapasidade Ministra Solidariedade Sosiál no Inkluzaun, Verónica das Dores, abertura Semináriu Internasionál ba reforsa kapasidade profisionais iha área Reabilitasaun, Promosaun, Edukasaun, Peskiza, Kiropratika no Fizioterapia, kona-ba servisu saúde iha Timor-Leste. Semináriu refere hala’o iha Edifísiu Sentral MSSI Kaikoli Díli, Kuarta-feira (22/10/2025). “Ha’u espera katak, ho semináriu ida-ne'e, ita bele haforsa no hasa'e konsiénsia atu fó apoiu ba maluk sira ne'ebé presiza. Ha’u mós husu ba partisipante sira atu bele iha pasiénsia hodi aprende no hetan koñesimentu iha área fizioterapia, atu ba futuru ita bele servisu hamutuk nafatin, hodi halo melloramentu iha área Reabilitasaun, Promosaun Edukasaun, Kiropratika no Fizioterapia, no Peskiza, nune’e bele fó atendimentu ba sira ne’ebé ho nesesidade Espesiál”, hatete Ministra. Hafoin abertura, asina mós MoU hodi bele kontinua implementa programa Reabilitasaun, Kiropratika no Fizioterapia. Semináriu ne’e organiza husi Fundasaun Cristal no Sentru Nasionál Reabilitasaun. Mídia MSSI
Data Publica : 22 Oct 2025
Descrisaun :
