Asuntu : 𝐄𝐦𝐩𝐫𝐞𝐠𝐚𝐝𝐨𝐫 𝐓𝐚𝐬𝐦𝐚𝐧𝐢𝐚 𝐐𝐮𝐚𝐥𝐢𝐭𝐲 𝐌𝐞𝐚𝐭𝐬 𝐡𝐚𝐥𝐚𝐨 𝐭𝐞𝐬𝐭𝐞 𝐛𝐚 𝐊𝐚𝐧𝐝𝐢𝐝𝐚𝐭𝐮 𝐭𝐫𝐚𝐛𝐚𝐥𝐥𝐚𝐝𝐨𝐫es 𝐏𝐀𝐋𝐌 𝐧𝐚𝐢𝐧 𝟔𝟗. SEFOPE-DNEE no Governu Australia marka tan atinjimentu importante ida iha ezekuasaun komitmentu konaba hasae númeru traballador PALM husi Timor-Leste . Iha loron 19 no 20 Outubru 2025, kompania husi Australia, naran Tasmania Quality Meat, halo ona teste entrevista ba kandidatu traballador programa PALM nain 69. Teste ida ne’e hanesan rekrutamentu dahuluk ne’ebé kompania refere halo iha Timor-Leste . Teste refere hanesan faze importante iha programa mobilidade laboral, iha ne'ebé fó oportunidade ba empregador TQM atu halo avaliasaun direta ba kandidatu sira nia kompeténsia no abilidade relevantes hodi bele ajuda kompania atu selesiona traballador sira bazeia ba rekezitu / kriteria sira ne'ebé kompania rasik iha. Prosesu seleksaun realizadu tanba iha kolaborasaun ne’ebé forte entre Sekretaria Estadu ba Formasaun Profisionál no Empregu (SEFOPE), liu husi Direksaun Nasional Empregu Estranjeiru (DNEE) hamutuk ho Governu Australia. 𝐊𝐨𝐧𝐚𝐛𝐚 𝐊𝐨𝐦𝐩𝐚𝐧𝐢𝐚 *** Tasmania Quality Meat’s hanesan Empregador Aprovadu PALM husi provisnia Tasmania ne’ebe fokus iha area produsaun na’an, kompania ida ne’e estabelese desde tinan 1997 . Atualmente iha kapasidade bele prosesu nan bibi inklui karau ho kuantidade 17. 000 kada semana. Detalhu liu konaba TQM bele asesu iha link website tuir mai: https://tasquality.com.au/about/ Boa sorte ba kandidatu sira hotu !!
Data Publica : 22 Oct 2025
Descrisaun :
