Asuntu : ESTUDANTE 457 HUSI ESKOLA ESG 5 DE MAIO KONTINUA HALA’O EZAME NASIONÁl BA LORON DATOLUK NIAN Dili, 22 Outubro 2025 - Ministériu Edukasaun liuhosi Gabinete Relasaun Públika e Protokolu (GRPP) hamutuk ho Média DNSIT hala’o observasaun ba ezame nasionál ba loron datoluk nian iha Eskola Sekundáriu Jerál 5 de Maio (ESG) Becora Dili, hodi haree direta prosesu ezame nasionál iha eskola refere. Iha entrevista, Diretór ESG 5 de Maio, Sr. Júlio Maia Castro de Jesus, hateten, ezame nasionál ba loron datoluk nian la’o ho di’ak tebetebes, maibé iha loron dahuluk ezame nasionál nian iha estudante feto ida maka hetan moras, maibé nia konsege tuir ezame kompleta, maibé ohin ezame ba loron datoluk nian estudante ne’e hetan filafali moras no nia labele kompleta nia ezame ba loron ohin. "Estudante ne’e hetan ataka derrepente iha sala laran no hetan kedas tulun husi profesór Vijilante sira no halo kedas ajuda urjénsia lori ba Ospitál hodi halo tratamentu ba estudante ne’e", dehan Diretór ESG 5 de Maio. Totál estudante husi eskola ESG 5 de Maio ne’ebé mak tuir ezame nasionál hamutuk 457, mane 263 no feto 194.
Data Publica : 22 Oct 2025
Descrisaun :
