Asuntu : 𝐌𝐅-𝐈𝐍𝐄𝐓𝐋 𝐊𝐎𝐌𝐄𝐌𝐎𝐑𝐀 𝐋𝐎𝐑𝐎𝐍 𝐌𝐔𝐍𝐃𝐈Á𝐋 𝐄𝐒𝐓𝐀𝐓Í𝐒𝐓𝐈𝐊𝐀 𝐁𝐀 𝐃𝐀𝐋𝐀 𝐈𝐕 Díli-Segunda, 20/10/2025, Ministériu Finansas Ho Institutu Nasionál Estatístika Timor-Leste, Institu Públiku, (INETL.I.P) Selebra Loron Mundiál Estatístika ba Dala IV ho Tema “Kualidade Estatístika No Dadus Ba Ema Hotu.” Objetivu Husi Komemorasaun Ne’e Dizemina Infomasaun Estatístika Ba Estudante Universitáriu. Sua Exelénsia Ministra Finansas Sra. Santina José Rodrigues F. Viegas Cardoso, Haksolok nó onra bot tebes, ohin mai hamutuk hó ita-boot sira, hodi ita selebra Loron Mundiál Estatístika nian ba dala haat (4) hó tema globál "Impulsiona mudansa hó estatístikas nó dadus ne’ebé kualidade bá ema hotu". Liuhusi serbisu dedikadu husi ita nia profisionál estatístika sira, agora ita iha data ka dadus nesesárius (relevantes) atu monitoriza implementasaun ita nia Planu Estratéjiku Dezenvolvimentu (PED) 2011-2030 hó mós Objetivu Dezenvolvimentu Sustentável (ODS) nian. “Ha’u hato’o ha’u-nia apresiasaun sinseru bá Prezidente INETL nó ekipa tomak bá sira nia esforsu konsentrado no organizadu hodi lori ita nia serbisu estatístika tuir padraun global nian”. Prezidenti Institutu Nasional Estatístika Timor-Leste, Institu Públiku (INETL.IP) Sr. Elias dos Santos Ferreira, objetivu husi komemorasaun estatístika ne’e atu partilla informasaun kona-ba dadus estatístika nian ba estudante universitariu no institutu superior iha Timor-Leste atu komprende. Institutu Nasional Estatístika Timor-Leste (INETL.IP), ne’ebé hamahan-an iha Ministériu Finansas, sai nu’udar institutu públiku ne’ebé responsável atu fornese infraestrutura estatístika ida ne’ebé nesesária atu kuantifika ita nia rain nia situasaun atual no planeia ita-nia dezenvolvimentu ekonómiku. Publikasaun sira ne’ebé dizemina maka hanesan rezultadu Peskiza Atividade Emprezariál (PAE) 2024, rezultadu estatístika komersiu 2024, rezultadu kontas nasionais 2024, Relatoriu tematiku projesaun sensus populasaun 2022-2050 no relatoriu demográfiku deviden. Atividade komemorasaun ne’e realiza iha sala Auditórium Ministériu Finansas Aitarak-Laran, hetan partisipasaun másimu husi Diretor Jeral Planemento Orsamentu Jose Alexandre de Carvalho, Diretor Jeral Unidade Monitorizasaun Avaliasaun Dezempeñu sr. Arlindo da Cruz Monteiro, Diretora Jeral Jestaun Patrimoniu Estadu Sra. Timotea Pompeia Marques, no Diretor Jeral Unidade Komunikasaun Relasaun Públiku, Sr. Fernando M. Ribeiro, Xefe Unidade Apoiu Juridiku Sr. Isac Menezes, Xefe Unidade Polítika Jestaun Funfu Petrolifeiro sr. Filipe Nery Bernardo, inklui Xefe Gabineti Vise-Ministra Finansas sra. Menerva C.C. Caldeira. Inklui dosente no estudante sira mai husi UNTL, UNTAL, ISC no IOB. #Foto: Ekipa Media Ministériufinansas
Data Publica : 22 Oct 2025
Descrisaun :
