Asuntu : 𝗦𝗘𝗞𝗼𝗼𝗽 𝗔𝗽𝗿𝗲𝘇𝗲𝗻𝘁𝗮 𝗣𝗿𝗼𝗴𝗿𝗲𝘀𝘂 𝗻𝗼 𝗣𝗹𝗮𝗻𝘂 𝗢𝗿𝘀𝗮𝗺𝗲𝗻𝘁𝘂 𝟮𝟬𝟮𝟲 𝗶𝗵𝗮 𝗣𝗮𝗿𝗹𝗮𝗺𝗲𝗻𝘁𝘂 𝗡𝗮𝘀𝗶𝗼𝗻á𝗹. Díli, 21 Outubru 2025 – Sekretáriu Estadu Kooperativas (SEKoop), Eng. Arsénio Pereira da Silva, M.Agr., aprezenta progresu ezekusaun Orsamentu Geral Estadu (OJE) tinan 2025 nian no proposta ba Orsamentu 2026 iha audiénsia ho Komisaun D, Parlamentu Nasionál (PN), ne’ebé trata asuntu ekonomia no dezenvolvimentu. Audiénsia ne’e hala’o iha sala Komisaun D PN, Tersa-feira (21/10), lidera husi Prezidente Komisaun D, Deputadu Ricardo Baptista, ho prezensa membru komisaun sira no ekipa SEKoop inklui Inspektor Gaspar Policarpo Correia no Xefe Gabinete Eng. Leovogildo Belarmino, M.Sc, kargu diresaun no xefia sira nomos asesor sira. Iha diskusaun, SEKoop informa katak husi total Orsamentu 2025 ne’ebé $6,058,762, SEKoop ezekuta tiha ona 76.18% atu implementa programa dezenvolvimentu rural no urbana. Programa sira ne’e inklui promosaun kooperativa, produsaun Bafo Kayrala, no establisementu Federasaun Multi-Kooperativa iha kada munisípiu. Ba tinan fiskál 2026, SEKoop hetan alokasaun Orsamentu $3,611,276.00, ne’ebé kompriende Saláriu no Vensimentu $1,555,757.00 no Bens no Servisu $2,055,519.00. Orsamentu ida ne’e sei suporta programa-prioridade sira hanesan: Sekretáriu Estadu Kooperativas hatete, programa no plano ne’e tenke kontinua implementa ho vizãun atu hatun pobreza no hadia moris komunidade sira iha Timor-Leste, liu-liu ba área rural no remota sira.
Data Publica : 23 Oct 2025
Descrisaun :
Promosaun no dezenvolvimentu produtu kooperativa sira (Bafo Kayrala, bani been, laktisinius, masin, mina nu no mina kamii);
Formasaun no fortalecimento kapasidade kooperativa;
Estabelesimentu Sentru Kooperativa Produsaun Integrada iha munisípiu no postu sira;
Apoiu ba produsaun integrada;
Sensibilizasaun komunidade kona-ba importánsia kooperativa;
Akompañamentu no auditoria interna ba kooperativa sira.
#Média SEKoop#
