Asuntu : SEATOU HAPARA KONSTRUSAUN UMA-IDA NEE’BÉ HARII IHA PONTE III OKOS Díli, 22 Outubru 2025: Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias akompaña hosi ekipa gestão merkadu, tuun direta hodi hapara konstrusaun uma-ida ne’ebé komunidade sira kontinua harii iha mota-ninin, ponte III okos - Comoro. SEATOU informa ba uma-nain, “Ita husu obrigatoriamente, ohin ne’e ba oin, sira tenki hamamuk sai husi fatin ne’e, ita hakarak atu sira bele koopera, ita fó tempu semana ida atu hasa’i sira-nia sasan”. SEATOU ho ekipa konjunta, dezde tinan kotuk halo ona diálogu hamutuk ho komunidade sira iha Ponte CPLP no ekipa seatou mós kontinua fó avizu husu atu koopera hodi muda hela do'ok no la bele harii tan uma ka barraka iha mota-ninin tanba fatin ne'e risku ba akontese inundasaun iha tempu udan. Iha loron 28 Janeiru 2025, ekipa konjunta mós hala'o dialógu ho komunidade Beto-Timur ne'ebé hela besik area risku hanesan mota- ibun no bronjong leten iha suku Madohi hodi disemina informasaun kona-ba alargamentu estrada tuir dezeñu estrada sei alarga hahú hosi Mota-ain Beto Timur ba ponte CPLP, Ponte IlI to'o Kasnafar. Fontes: https://www.facebook.com/share/v/17KQtBXNKR/
Data Publica : 23 Oct 2025
Descrisaun :
