Asuntu : DNPKK KONTINUA HALAO DIALOGU KOMUNITARIA IHA MUNISIPIU LIQUICA Liquica, 20 Outubro 2025 (SRP), Segunda feira ne'e, Governu liu hosi Ministeriu Interior, atraveza hosi Diresaun Nasional Prevensaun Konflitu Komunitaria (DNPKK), kontinua halao Dialogu Komunitaria iha Suku Vatu-Vou postu admnistrativu Maubara Munisipiu Liquica. ho tema “Hametin Unidade, Paz no Estabilidade iha kumunidade” ka Diak Liu Prevene Duke Kura. Iha abertura Administrador Postu Maubara, Alcino Freitas Lopes Da Cruz, hatete, programa ne'e importante tanba ne'e husu ba DNPKK atu Labele para iha nee maibe kontinuanafatin iha futuru. “Hanesan autoridade lokal agradese tebes ba parte DNPKK ne'ebe bele tau ona fatin ne'e hodi nunee bele halo netik dialogu Komunitaria ho ami nia populasaun sira” Iha diskursu Diretor Jeral Diresaun Nasional Seguransa Prevensaun Konflitu (DNSPK) Gaspar de Sousa, hatete, DNPKK identifika postu Maubara rejistu tipu Konflitu makas bazeia ba reltoriu ne'ebe mak aprezenta hosi memburu DNPKK Munisipiu Liquica ho nunee DNPKK deside hodi atividade prevensaun Konflitu Komunitaria iha postu Maubara. “Agora dadaun ita mai realiza dialogu iha ne'e bazeia ba reltoriu hosi DNPKK Munisipiu Liquica hatoo ba nasional ita identifika sinais sira ne'ebe mak ninia kauza Konflitu oioin rejistu aas” tenik nia Nia husu ba Ema hotu atu kria paz no Estabilidade atu liu hosi rona malu, hatudu moris diak, no atu halo buat ida-idak ho moris justu. Hamutuk bele kontribui futuru ida ne’ebé hakmatek no diak ba gerasaun tuir mai. Orador ba Dialogu Komunitaria ne'e mak Pontu Voal Sekretariu Estadu Igualdade (SEI) Munisipiu Liquica ne'ebe koalia konaba “Lei kontra Violensia Domestika”, Reprezentante Komisaun Reguladora Arte Marciais ne'ebe koalia konaba Lei Arte Marciais no armas brancas
Data Publica : 23 Oct 2025
Descrisaun :
