Asuntu : 𝐌𝐅-𝐃𝐉𝐉𝐌𝐑𝐄 𝐇𝐀𝐋𝐎 𝐍𝐄𝐆𝐎𝐒𝐈𝐀𝐒𝐀𝐔𝐍 𝐇𝐎 𝐀𝐃𝐁 Díli-Segunda-Tersa, 20-21/10/2025 Ministériu Finansas liuhusi Diresaun Jerál Jestaun no Monitorizasaun Rekursu Externa hamutuk ho Ministériu Obras Publikas, Ministériu Planeamentu no Investimentu Estratéjiku, Ministériu Negosiu Estrangeiru no Kooperasaun inklui Unidade Legal. Hala’o Negosiasaun ho Banku Dezenvolvimentu Aziatiku (ADB-sigla inglés) Kona-ba Projetu Emprestimu Estrada Lospalos to’o Iliomar inklui Ponte tolu (3). Objetivu husi reuniaun ne’e atu ezekuta aprovasaun Konsellu Ministru iha loron 15 Outubru 2025 ba proposta finansiamentu fundu emprestimu no subvensaun, ba projetu estrada nasionál husi diresaun Losplaos to’o Illiomar ho distansia 42 kilometru no konstrusaun ponte tolu inklui estudu -DED ba ponte rua iha diresaun Baucau ba Lautem. Negosiasaun ne’e foka ba dokumentu prinsipál sira hanesan, akordu finanseiru ba emprestimu US$ 75 miloens (Financial Agreement), akordu finanseiru ba subvensaun (Grant) US$ 3 miloens, manuál administrasaun ba projetu (Project Administation Manual). Negosiasaun la’o ho di’ak, no parte rua (ADB no Governu) teknikamente konkorda ho proposta empréstimo no subvensaun ho komponente finansiamentu empréstimu ba konstrusaun estrada ho 42 km diresaun Lospalos ba Illiomar, ponte tolu (Seical, Borowai no Malailada), enkuantu, estudu DED ba ponte Laga no Verucoco diresaun Baucau ba Lautem. Subvensaun US$ 3 miloens ba komponente reziliénsia komunidade nian ba mudansa klimátika no governasaun inkluziva iha diresaun estrada Lospalos ba Illiomar. ADB mós konkorda ba politika asuntu sosiál sira ne’ebé sei responsabiliza husi governu sein intervensaun husi ADB ne’ebé hanesan mandatoriu ba kumprimentu ADB-nia regulamentu sira. Rezultadu husi diskusaun ne’e sei hetan asinatura husi xefe delegasaun parte rua. Hafoin ne’e, ADB sei apresenta ba ADB board nia aprovasaun no parte governu sei aprezenta ba Konsellu Ministru hodi hetan aprovasaun. Planu ba asinatura akordu finanseiru negosiadu, kalendariu ona ba iha Dezembru 2025. Durasaun projetu sei hahu mobilizasaun ba servisu fiziku iha 2027 no remata iha Dezembru 2029, enkuantu prosesu aprovizionamentu sei hahú iha 2026. Reuniaun ne’e hala’o iha salaun enkontru pizu nove (9), Ministériu Finansas, Aitarak-laran. #Foto: #Ekipa #Media #Ministériufinansas Fontes: https://www.facebook.com/share/p/1ACxVsxw34/
Data Publica : 23 Oct 2025
Descrisaun :
